ചേർത്തല: കെ.എസ്.ഇ.ബി കരാർ വാഹനത്തിന്റെ പിന്നിൽ തൂക്കിയിരുന്ന ഏണി, ഓട്ടത്തിനിടെ കെട്ടഴിഞ്ഞ് തെറിച്ച് വയറ്റിൽ തുളച്ചു കയറി കാൽനടയാത്രികനായ ഗൃഹനാഥന് ദാരുണാന്ത്യം. തണ്ണീർമുക്കം പഞ്ചായത്ത് കട്ടച്ചിറ കണ്ണാട്ടുകരി കുഞ്ഞുമോൻ (46) ആണ് മരിച്ചത്. ഇന്നലെ രാവിലെ ചേർത്തല-തണ്ണീർമുക്കം റോഡിൽ കുണ്ട് വളവിന് സമീപമായിരുന്നു അപകടം.
ആടിനെ തീറ്റയ്ക്കായി കെട്ടിയ ശേഷം വീട്ടിലേക്കു മടങ്ങുകയായിരുന്നു കുഞ്ഞുമോൻ. ഗുരുതരമായി പരിക്കേറ്റ കുഞ്ഞുമോനെ ചേർത്തല താലൂക്കാശുപത്രിയിലെത്തിച്ചെങ്കിലും രക്ഷിക്കാനായില്ല. വാഹനത്തിന്റെ ഡ്രൈവർക്കെതിരെ കേസെടുത്തതായി മുഹമ്മ പൊലീസ് പറഞ്ഞു. എൽ.ഐ.സി ഏജന്റാണ് കുഞ്ഞുമോൻ. ഭാര്യ: ബീന. മകൾ: വർഷ.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |