SignIn
Kerala Kaumudi Online
Saturday, 19 June 2021 8.57 AM IST

ഓക്‌സിജനുമായി വന്ന ടാങ്കർ വഴി തെ‌റ്റി വൈകി; ആശുപത്രിയിൽ ഏഴ് രോഗികൾ പ്രാണവായു കിട്ടാതെ മരിച്ചു

oxygen

ഹൈദരാബാദ്: ആശുപത്രിയിലേക്ക് ആവശ്യമായ ഓക്‌സിജനുമായി എത്തേണ്ട ഓക്‌സിജൻ ടാങ്കർ ഡ്രൈവറിന് വഴി തെ‌റ്റി. സമയത്ത് ഓക്‌സിജൻ ലഭിക്കാതെ സർക്കാർ ആശുപത്രിയിലെ തീവ്രപരിചരണ വിഭാഗത്തിലെ ഏഴ് രോഗികൾ മരിച്ചു. തെലങ്കാനയിലെ കിങ് കോട്ടി ആശുപത്രിയിലാണ് സംഭവം.

ഞായറാഴ്‌ച ഉച്ച കഴിഞ്ഞ് മൂന്ന് മണിയോടെ ഓക്‌സിജൻ ശേഖരം കുറഞ്ഞതിനെ തുടർന്ന് ആശുപത്രി അധികൃതർ വിതരണ കേന്ദ്രത്തിൽ അറിയിച്ചു. ഇവിടെ നിന്നും പുറപ്പെട്ട ഓക്‌സിജൻ ടാങ്കർ ഡ്രൈവറിന് ജദ്ചെര്‌ല എന്ന സ്ഥലത്തുവച്ച് വഴിതെ‌റ്റി.

എത്തേണ്ട സമയമായിട്ടും ലോറി കാണാതായതോടെ പരിഭ്രാന്തരായ ആശുപത്രി അധികൃതർ പൊലീസിൽ വിവരമറിയിച്ചു. തുടർന്ന് പൊലീസ്, ടാങ്കർ കണ്ടെത്തി ആശുപത്രിയിലെത്തിച്ചപ്പോഴേക്കും ഓക്‌സിജൻ കിട്ടാതെ ഏഴുപേർ മരണത്തിന് കീഴടങ്ങിയിരുന്നു. തീവ്രപരിചരണവിഭാഗത്തിലെ ആറുപേരും ഐസൊലേഷനിലായിരുന്ന ഒരാളുമാണ് മരിച്ചത്.

ഓക്‌സിജൻ ലഭ്യമാകാതെ വന്നതോടെ രോഗികളുടെ ബന്ധുക്കൾ ഓക്‌സിജന് വേണ്ടി പരക്കം പാഞ്ഞു. മരിച്ച ഏഴിൽ നാലുപേ‌ർക്ക് 35നും 45നുമിടയിലാണ് പ്രായം. 300 ഓക്‌സിജൻ കിടക്കകളും 50 ഐസിയു കിടക്കകളുമുള‌ള കൊവിഡ് ചികിത്സയ്‌ക്കുള‌ള സർക്കാർ ആശുപത്രിയാണ് കിങ് കോട്ടി ആശുപത്രി.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, OXYGEN, TANKER, LOST ITS WAY, HYDERABAD
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.