തിരുവനന്തപുരം: ജില്ലയിൽ കൊവിഡ് രണ്ടാംതരംഗത്തിൽ രോഗബാധിതരാകുന്ന ആരോഗ്യപ്രവർത്തകരുടെ എണ്ണം ഇരട്ടിയാകുന്നു. ഒരാഴ്ചയ്ക്കിടെ 50 ആരോഗ്യ പ്രവർത്തകർക്കാണ് കൊവിഡ് ബാധിച്ചത്. പത്ത് ദിവസത്തിനിടെ നൂറ് പേരും കൊവിഡ് ബാധിതരായെന്നാണ് സൂചന. കൂടുതൽ ആരോഗ്യപ്രവർത്തകരെ നിയമിച്ചില്ലെങ്കിൽ സാഹചര്യം ഗുരുതരമാകുമെന്ന മുന്നറിയിപ്പുമായി കെ.ജി.എം.ഒ.എ സർക്കാരിന് കത്ത് നൽകിയെങ്കിലും ഇതിൽ ഇതുവരെയും നടപടിയൊന്നും സ്വീകരിച്ചിട്ടില്ല. മെഡിക്കൽ കോളേജിൽ അടക്കം ആരോഗ്യ പ്രവർത്തകരുടെ പ്രതിസന്ധി അനുഭവപ്പെടുന്നുണ്ട്. ആദ്യതരംഗത്തെ അപേക്ഷിച്ച് രണ്ടാംതരംഗത്തിൽ കൊവിഡ് ബാധിക്കുന്ന ആരോഗ്യപ്രവർത്തകരുടെ എണ്ണം ഇരട്ടിയാവുകയാണ്. പ്രതിദിനം 10ലധികം പേർക്കാണ് കൊവിഡ് സ്ഥിരീകരിക്കുന്നത്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |