SignIn
Kerala Kaumudi Online
Saturday, 19 June 2021 9.23 AM IST

രാജ്യത്ത് ഇന്ന് കൊവിഡ് സ്ഥിരീകരിച്ചവരെക്കാൾ രോഗമുക്തർ; 3,29,942 പേർക്ക് രോഗബാധ, രോഗം ഭേദമായവ‌ർ 3,56,082, മരണമടഞ്ഞവർ 3876

covid-treatment

ന്യൂഡൽഹി: വിവിധ സംസ്ഥാനങ്ങളിൽ കൊവിഡ് രണ്ടാം തരംഗം ഗൗരവമായി തുടരുമ്പോഴും രാജ്യത്ത് ആകെയുള‌ള സ്ഥിതിയിൽ നേരിയ ആശ്വാസം. ഇന്ന് 3,29,942 പേർക്കാണ് കൊവിഡ് സ്ഥിരീകരിച്ചത്. മരണമടഞ്ഞവർ 3876. എന്നാൽ രോഗമുക്തിയിലും രാജ്യത്ത് വൻ മുന്നേ‌റ്റമുണ്ട്. 3,56,082 പേർ കഴിഞ്ഞ 24 മണിക്കൂറിനിടെ രോഗമുക്തി നേടിയതായി കേന്ദ്ര ആരോഗ്യമന്ത്രാലയം അറിയിച്ചു.

ഇതോടെ രാജ്യത്തെ ആകെ കൊവിഡ് ബാധിതരുടെ എണ്ണം 2,29,92,517 ആയി. രാജ്യത്തെ ആകെ മരണ സംഖ്യ രണ്ടര ലക്ഷത്തോട് അടുക്കുകയാണ്. 2,49,992 ആണ് ആകെ മരണമടഞ്ഞവർ. ആക്‌ടീവ് കേസുകൾ 37,15,221 ആണ്. ഇതുവരെ രോഗം ഭേദമായവർ 1,90,27,304 ആണ്.

കഴിഞ്ഞ രണ്ട് മാസത്തിൽ ആദ്യമായി പ്രതിദിന കൊവിഡ് കണക്കിൽ രോഗം ബാധിച്ചവരെക്കാൾ കൂടുതൽ രോഗം ഭേദമായവരുണ്ടായ ദിനമാണിന്ന്. പ്രതിദിന കൊവിഡ് കണക്കിൽ മുന്നിലുള‌ള സംസ്ഥാനങ്ങൾ ഇവയാണ്. കർണാടക (39,305), മഹാരാഷ്‌ട്ര (37,236), തമിഴ്‌നാട്(28,978), കേരളം(27,487), ഉത്തർ പ്രദേശ്(21,277). രാജ്യത്തെ കൊവിഡ് കണക്കിൽ 46.7 ശതമാനം രോഗികളും ഈ അഞ്ച് സംസ്ഥാനങ്ങളിൽ നിന്നാണ്. കർണാടകയിൽ മാത്രം ദേശീയ ശരാശരിയുടെ 11.91 രോഗികളുണ്ട്.

രാജ്യത്ത് രണ്ട് കോടി രോഗികളുണ്ടായത് മേയ് നാലിനാണ് വെറും ഒരാഴ്‌ച കൊണ്ട് ഒന്നര കോടി രോഗികൾ കൂടി. രാജ്യത്തേക്ക് കൊവിഡ് സഹായം ആഗോളതലത്തിൽ പ്രവഹിക്കുകയാണ്. സംസ്ഥാനങ്ങളിലേക്കും കേന്ദ്ര ഭരണ പ്രദേശങ്ങളിലേക്കും ഈ സഹായങ്ങൾ അതിവേഗം കൈമാറുകയാണിപ്പോൾ കേന്ദ്ര സർക്കാർ.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, COVID, INDIA, UPDATE
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.