തിരുവനന്തപുരം: 45 വയസിന് താഴെയുള്ളവരുടെ കൊവിഡ് വാക്സിനേഷൻ എന്ന് തുടങ്ങണമെന്ന് തീരുമാനമായില്ല. മുൻഗണന നിശ്ചയിച്ചുള്ള മാർഗനിർദ്ദേശം വന്നാലേ വിതരണം ആരംഭിക്കൂ. 45ന് താഴെയുള്ളവർക്കായി സംസ്ഥാനം വിലയ്ക്കു വാങ്ങുന്ന ഒരു കോടി ഡോസിൽ കഴിഞ്ഞ ദിവസം എത്തിയ 3.5 ലക്ഷം ഡോസ് കൊച്ചിയിലെ സ്റ്റോറിൽ സൂക്ഷിച്ചിരിക്കുകയാണ്. കൊവീഷീൽഡിന് പിന്നാലെ കൊവാക്സിനും ഉടൻ എത്തും. അതിനിടെ വാക്സിൻ കമ്പനികൾക്ക് മേയ് മാസത്തിൽ ലഭിക്കുന്ന വാക്സിന്റെ വിലയായി നൽകാൻ 18,27,47,250 രൂപ സർക്കാർ അനുവദിച്ചു. വാക്സിൻ വാങ്ങാൻ ചുമതലപ്പെടുത്തിയ കേരള മെഡിക്കൽ സർവീസസ് കോർപ്പറേഷന് അനുവദിച്ച തുക മുൻകൂറായി കമ്പനികൾക്ക് നൽകും.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |