ഇസ്രയേലിൽ ഷെൽ ആക്രമണത്തിൽ ജീവൻ നഷ്‌ടമായ മലയാള നഴ്‌‌സ് സൗമ്യ സന്തോഷിന്റെ കുടുംബത്തിന് നഷ്‌ടപരിഹാരം നൽകാൻ മുഖ്യമന്ത്രി പിണറായി വിജയൻ തയ്യാറാകണമെന്ന് ബിജെപി വക്താവ് സന്ദീപ് വാര്യർ.. സൗമ്യ സന്തോഷിന്റെ കുടുംബത്തിന് ഒരു കോടി രൂപയും, കുടുംബത്തിലൊരാൾക്ക് സർക്കാർ ജോലിയും നൽകാൻ സർക്കാർ തയ്യാറകണമെന്നാണ് സന്ദീപ് ഫേസ്ബുക്ക് പോസ്‌റ്റിൽ കുറിച്ചത്..

ഫേസ്ബുക്ക് പോസ്‌‌റ്റിന്റെ പൂർണരൂപം-

പാലസ്തീൻ തീവ്രവാദികൾ ക്രൂരമായി കൊല ചെയ്ത പ്രവാസി മലയാളി സഹോദരി സൗമ്യ സന്തോഷിൻ്റെ കുടുംബത്തിന് നഷ്ട പരിഹാരമായി ഒരു കോടി രൂപ നൽകാനും കുടുംബത്തിലെ ഒരാൾക്ക് സർക്കാർ ജോലി നൽകാനും മുഖ്യമന്ത്രി പിണറായി വിജയൻ തയ്യാറാവണം .

ജീവൻ നഷ്ടപ്പെട്ടത് കുടുംബം പോറ്റാൻ വേണ്ടി പ്രവാസിയായ ഒരു പാവം മലയാളി പെൺകുട്ടിക്കാണ് എന്ന പരിഗണന നൽകാൻ സംസ്ഥാന സർക്കാർ തയ്യാറാവണം .

വിവേചനം കാണിക്കരുത്.