ഓക്സിജനാണ് ജീവവായു എന്ന
തോന്നലുറക്കും മുമ്പേ...
തലച്ചോറിനുള്ളിൽ കൂടുകൂട്ടിയ പാഠഭാഗങ്ങളാണിത്.
വർണവിസ്മയങ്ങളുടെയും
ഗന്ധജാലങ്ങളുടെയും മതിൽക്കെട്ടിനുള്ളിൽ
നിറവും മണവുമില്ലാത്ത കഴിവുകെട്ട വാതകം.
ഭാഗ്യം! രണ്ട് ആറ്റങ്ങൾ ഉണ്ടായതുകൊണ്ട്
ഹൈഡ്രജനോളം തിരസ്കരിക്കപ്പെട്ടില്ല .
പക്ഷേ,
ഓക്സിജന് നിറമുണ്ടെന്ന്
തിരിച്ചറിഞ്ഞത് ഇന്നാണ്.
ശ്വാസകോശത്തിൽ ജീവവായുവിന്റെ
അവസാനതുള്ളിയും ചോർന്ന്,
പ്രാണൻ പിടഞ്ഞുവെടിയുമ്പോൾ
കണ്ണിൽനിറയുന്ന ഇരുട്ടിന്റെ നിറം കറുപ്പ്.
ഉയർന്ന രക്തസമ്മർദ്ദത്തിൽ ചെറിയധമനികളുടെ
ചിറപൊട്ടിയൊഴുകുന്ന രക്തവർണ്ണം ചുവപ്പ്.
അവസാനം,
മഞ്ഞയുംചുവപ്പും കലർന്ന്,
ഉടലിലേക്കു പടരുന്ന തീനാളങ്ങളുടെ
ആഗ്നേയവർണവും.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |
Lorem ipsum dolor sit amet consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat. |
We respect your privacy. Your information is safe and will never be shared. |