SignIn
Kerala Kaumudi Online
Friday, 29 March 2024 12.34 PM IST

ഹിന്ദുത്വ വർഗീയ വാദികളെ ഭയന്നിട്ടാണോ മിണ്ടാത്തത്? പാലസ്തീൻ വിഷയത്തിൽ തരൂരിനെങ്കിലും അഭിപ്രായം ഉണ്ടാകുമോയെന്ന് എം എ ബേബി

shashi-tharoor

തിരുവനന്തപുരം: പാലസ്തീനികളെ വംശഹത്യ ചെയ്യുന്ന നെതന്യാഹു ഭരണകൂടത്തിന്റെ ആക്രമണത്തെക്കുറിച്ച് കോൺഗ്രസുകാ‌ർ മിണ്ടാത്തതെന്താണെന്ന് സി.പി.എം പോളിറ്റ് ബ്യൂറോ അം​ഗം എം.എ. ബേബി. കോൺഗ്രസിന്റെ പരമ്പരാഗത പാലസ്തീൻ അനുകൂല നിലപാട് തന്നെയാണോ രാഹുൽ ഗാന്ധിയ്ക്കും ഉള്ളത്. മഹാത്മാ ഗാന്ധിയും ജവഹർലാൽ നെഹ്റുവും എടുത്ത നിലപാട്. ഇന്ത്യയിലെ ഹിന്ദുത്വ വർ​ഗീയ വാദികളെ ഭയന്നിട്ടാണോ കോൺഗ്രസുകാർ ഇക്കാര്യത്തിൽ പ്രതികരിക്കാത്തതെന്നും അദ്ദേഹം ഫേസ്ബുക്കിൽ കുറിച്ചു.

വർഗീയ പ്രീണനം നടത്തി ആർ.എസ്.എസ് രാഷ്ട്രീയത്തെ നേരിടാം എന്നാണോ നിങ്ങൾ കരുതുന്നത്? ഐക്യരാഷ്ട്ര സഭയിൽ മുതിർന്ന ഉദ്യോഗസ്ഥനായിരുന്ന, സെക്രട്ടറി ജനറൽ പദവിയിലേക്ക് മത്സരിച്ച ഡോ. ശശി തരൂരിനെങ്കിലും ഇക്കാര്യത്തിൽ ഒരു അഭിപ്രായം ഉണ്ടാകുമോ. ഇന്ത്യയുടെ വിദേശകാര്യ സഹമന്ത്രി ആയിരുന്ന ആളല്ലേ അദ്ദേഹമെന്നും ബേബി തന്റെ ഫേസ്ബുക്ക് പോസ്റ്റിൽ പറയുന്നു.

എം.എ. ബേബിയുടെ ഫേസ്ബുക്ക് പോസ്റ്റ്

ഗാസയിൽ ഇസ്രായേൽ നടത്തുന്ന ആക്രമണത്തിൻറെ കാര്യത്തിൽ ഇന്ത്യ "പലസ്തീൻറെ ന്യായമായ വാദത്തിന്" ഒപ്പമാണ് എന്ന നിലപാടാണ് ഐക്യരാഷ്ട്ര സഭയിൽ എടുത്തത്. അതോടൊപ്പം "ഇരുപക്ഷവും അക്രമം അവസാനിപ്പിക്കണം" എന്ന അക്രമിയെയും ഇരയെയും സമീകരിക്കുന്ന നിലപാടും എടുത്തു. സയണിസ്റ്റുകളെപ്പോലെ തന്നെ മതരാഷ്ട്രവാദികളായ ആർ എസ് എസുകാർ നയിക്കുന്ന ഒരു സർക്കാരിൽ നിന്നും ഇത് അപ്രതീക്ഷിതമായിരുന്നില്ല.

പക്ഷേ, പലസ്തീനികളെ വംശഹത്യ ചെയ്യുന്ന നെതന്യാഹു ഭരണകൂടത്തിന്റെ ആക്രമണത്തെക്കുറിച്ച് കോൺഗ്രസിന്റെ അഭിപ്രായം എന്താണ്? ഇന്ത്യൻ നാഷണൽ കോൺഗ്രസിന്റെ പരമ്പരാഗത പലസ്തീൻ അനുകൂല നിലപാട് തന്നെയാണോ രാഹുൽ ഗാന്ധിയ്ക്കും ഉള്ളത്? മഹാത്മാ ഗാന്ധിയും ജവഹർലാൽ നെഹ്റുവും എടുത്ത നിലപാട്? എന്തുകൊണ്ടാണ് കോൺഗ്രസുകാരാരും ഇക്കാര്യത്തിൽ മിണ്ടാത്തത്? ഇന്ത്യയിലെ ഹിന്ദുത്വ വർഗീയ വാദികളെ ഭയന്നിട്ടാണോ? ഇങ്ങനെ വർഗീയ പ്രീണനം നടത്തി ആർ എസ് എസ് രാഷ്ട്രീയത്തെ നേരിടാം എന്നാണോ നിങ്ങൾ കരുതുന്നത്?

ഐക്യരാഷ്ട്ര സഭയിൽ മുതിർന്ന ഉദ്യോഗസ്ഥനായിരുന്ന, സെക്രട്ടറി ജനറൽ പദവിയിലേക്ക് മത്സരിച്ച ഡോ. ശശി തരൂരിനെങ്കിലും ഇക്കാര്യത്തിൽ ഒരു അഭിപ്രായം ഉണ്ടാകുമോ? ഇന്ത്യയുടെ വിദേശകാര്യ സഹമന്ത്രി ആയിരുന്ന ആളല്ലേ?

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: PALASTHINE, PALASTINE, ISRAEL, MA BABY, SASI THAROOR, CONGRESS, RSS, BJP, NARENDRA MODI, MODI, RAHUL GANDHI
KERALA KAUMUDI EPAPER
TRENDING IN KERALA
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.