തിരുവനന്തപുരം: സംസ്ഥാനത്തെ ഒന്നു മുതൽ ഒൻപതു വരെ ക്ലാസുകളിലുള്ള വിദ്യാർത്ഥികളുടെ ക്ലാസ് കയറ്റം സംബന്ധിച്ച മാർഗരേഖ ഉടൻ പുറത്തിറക്കുമെന്ന് പൊതുവിദ്യാഭ്യാസ വകുപ്പ് അറിയിച്ചു. ഇതിനായി പുതിയ മാനദണ്ഡം ഏർപ്പെടുത്താനാണ് തീരുമാനം.

ക്ലാസ് കയറ്റത്തിനായി ഉദ്ദേശിച്ചിരുന്ന വീട്ടുപരീക്ഷ കൊവിഡ് രണ്ടാംതരംഗത്തെ തുടർന്ന് മാറ്റിവച്ച സാഹചര്യത്തിലാണ് പുതിയ സംവിധാനത്തെപ്പറ്റി ആലോചിക്കുന്നത്. ഒൻപത് വരെയുള്ള ക്ലാസുകളിലെ വാർഷിക പരീക്ഷകൾ ഒഴിവാക്കിയ സാഹചര്യത്തിൽ പഠനമികവ് രേഖകൾ നൽകി മൂല്യനിർണയം നടത്താൻ നേരത്തെ തീരുമാനിച്ചിരുന്നു. എന്നാൽ കൊവിഡ് രൂക്ഷമായതോടെ പഠന മികവ് രേഖ വീടുകളിൽ എത്തിക്കാൻ കഴിഞ്ഞിരുന്നില്ല.