SignIn
Kerala Kaumudi Online
Sunday, 20 June 2021 1.10 AM IST

'മന്ത്രിസ്ഥാനത്തിന് യോഗ്യതയുള്ളവർ ദളിത് വിഭാഗത്തിലില്ല എന്ന് ബോദ്ധ്യമുള്ളതിനാലായിരിക്കാം അങ്ങനെ ചെയ്യുന്നത്'; കമ്മ്യൂണിസ്റ്റ് പാർട്ടികളുടേത് ദളിത് വിരുദ്ധ നയമെന്ന് ആരോപിച്ച് കുറിപ്പ്

dalit-minister

ദളിത് വിഭാഗത്തിൽപ്പെട്ട കൂടുതൽ പേരെ ഇടതുപക്ഷ മന്ത്രിസഭയിൽ ഉൾപ്പെടുത്താത്തതിനെ വിമർശിച്ച് കുറിപ്പ്. കമ്മ്യൂണിസ്റ്റ് പാർട്ടികളുടെ ദളിത് വിരുദ്ധ നയത്തെയാണ് ഈ നിലപാട് സൂചിപ്പിക്കുന്നതെന്ന് ആൾ ഇന്ത്യ റേഡിയോയിലെ മുൻ ഡെപ്യൂട്ടി ഡയറക്ടർ ജനറൽ കാവിൽ അച്യുതൻ മുരളീധരൻ ചൂണ്ടിക്കാട്ടുന്നു.

ജനാധിപത്യത്തെ മുറുകെ പിടിച്ചും ഭരണഘടനയുടെ അന്തസ്സും മാനിച്ചാണ് എപ്പോഴും പ്രവർത്തിക്കുന്നതെന്ന് ആണയിട്ടു പറയുന്ന കമ്മ്യൂണിസ്റ്റ് പാർട്ടികൾക്ക് ഭരണഘടനാനുപാതികമായി പട്ടികജാതി-വർഗ്ഗ പ്രാതിനിധ്യം പാലിക്കാൻ കഴിയാത്തതെന്തുകൊണ്ടാണെന്നും അദ്ദേഹം ഫേസ്ബുക്ക് കുറിപ്പ് വഴി ചോദിക്കുന്നു. മുന്നണിയുടെ പ്രധാന പാർട്ടികളുടെ മനോഭാവമാണ് ഇതിലൂടെ വെളിവാക്കപ്പെട്ടിരിക്കുന്നതെന്നും മുരളീധരൻ വിമർശിക്കുന്നുണ്ട്.

കുറിപ്പ് ചുവടെ:

'21 മന്ത്രിമാർക്ക് ഒരു ദളിത് മന്ത്രി ഭരണഘടനാ വിരുദ്ധം

ഇടതുമുന്നണി 21 മന്ത്രിമാരുമായി തുടർ ഭരണത്തിലേക്ക്. ജനാധിപത്യത്തെ മുറുകെ പിടിച്ചും ഭരണഘടനയുടെ അന്തസ്സും മാനിച്ചാണ് എപ്പോഴും പ്രവർത്തിക്കുന്നതെന്ന് ആണയിട്ടു പറയുന്ന കമ്മ്യൂണിസ്റ്റ് പാർട്ടികൾക്ക് ഭരണഘടനാനുപാതികമായി പട്ടികജാതി-വർഗ്ഗ പ്രാതിനിധ്യം പാലിക്കാൻ കഴിയാത്തതെന്ത്? സി.പി.ഐയിൽ തുടർച്ചയായ ടേമുകളിൽ ഡപ്യൂട്ടി സ്പീക്കർ പദവി ഈ വിഭാഗത്തിനായി സംവരണം ചെയ്തിരിക്കയാണ്. മന്ത്രിസ്ഥാനത്തിന് യോഗ്യതയുള്ളവർ ആ പാർട്ടിയിൽ ദളിത് വിഭാഗത്തിലില്ല എന്ന് ബോധ്യമുള്ളതിനാലായിരിക്കാം അവർ അങ്ങനെ ചെയ്യുന്നത്. അതിനവരെ കുറ്റം പറയുക വയ്യല്ലോ.

kavil-achuthan-muraleedha

ഈ മുന്നണിയുടെ പ്രധാന പാർട്ടികളുടെ മനോഭാവമാണ് ഇതിലൂടെ വെളിവാക്കപ്പെട്ടിരിക്കുന്നത്. പ്രൊഫ :എം കുഞ്ഞാമൻ പറഞ്ഞത് ഈ അവസരത്തിലോർക്കുന്നു. അധികാരത്തിലുള്ള പങ്കാളിത്തമല്ല രാഷ്ട്രീയം .അധികാരത്തെ ചോദ്യം ചെയ്യലാണത്. അധികാരത്തെ മന്ത്രിപദവിയിലിരുന്ന് ചോദ്യം ചെയ്യാൻ കഴിയില്ലെന്ന് മനസ്സിലാക്കിയപ്പോൾ അംബേദ്കർ മന്ത്രിസ്ഥാനം രാജിവെച്ചു. ദളിത് നേതാക്കൾക്ക് ആശ്വസിക്കാം. അംബേദ്ക്കറുടെ പൂർണ്ണകായ പ്രതിമ മന്ത്രിസഭാമന്ദിരത്തിന്റെ തിരുമുറ്റത്തുണ്ടല്ലോ.'

content details: social media post accusing cpm cpi and ldf of being anti dalit.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: DALIT MINISTER, KERALA, LDF, INDIA, CPM, CPI, CM PINARAYI VIJAYAN
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.