​​​​​

സിഡ്നി: ലോകത്താകെ എത്ര കോടി പക്ഷികൾ കാണും?. ഉത്തരം പറയാൻ പ്രയാസമുള്ള ചോദ്യമാണല്ലേ. ഏറ്റവും പുതിയ പഠനപ്രകാരം ലോകത്ത്​ 5000 കോടി പക്ഷികളുണ്ടെന്നാണ്​ ആഗോള പക്ഷി ജനസംഖ്യയുടെ കണ്ടെത്തൽ.

ഈ കണക്കുകൾ പക്ഷികളെ വംശനാശത്തിൽ നിന്ന് രക്ഷിക്കാനുള്ള ശ്രമങ്ങൾക്ക് സഹായകമാകുമെന്ന് ആസ്‌ട്രേലിയയിലെ സിഡ്‌നിയിലുള്ള ന്യൂ സൗത്ത് വെയിൽസ് സർവകലാശാലയിലെ ഗവേഷക സംഘം പറയുന്നത്​. പക്ഷികളുടെ എണ്ണം കണക്കാക്കൽ ശ്രമകരമായ ദൗത്യമായിരുന്നു. വളർത്തുമൃഗങ്ങളുടെ കണക്കെടുക്കാൻ നാം ധാരാളം സമയവും പണവും ചെലവഴിക്കുന്നു, പക്ഷേ നമ്മുടെ ചുറ്റും ജീവിക്കുന്ന ഈ ജൈവ വൈവിദ്ധ്യത്തെ നാം എങ്ങനെ കണക്കാക്കുന്നു എന്നതിനെക്കുറിച്ച് ചിന്തിക്കേണ്ടതുണ്ട്' -ഗവേഷകനായ ഡോ. കോറി കല്ലഗൻ പറഞ്ഞു.

വിദഗ്ദ്ധരിൽ നിന്നുള്ള അഭിപ്രായങ്ങൾ സ്വരൂപിച്ചതുൾപ്പെടെ വിവിധ ഘട്ടങ്ങളിലൂടെയാണ്​ ഗവേഷകർ തങ്ങളുടെ കണ്ടെത്തലുകൾ പരിഷ്​കരിച്ച്​ കൂടുതൽ കുറ്റമറ്റതാക്കിയത്​.

മിക്ക പക്ഷികളും ഉത്തരാർദ്ധഗോളത്തിലെന്നാണ് നാഷണൽ അക്കാഡമി ഒഫ് സയൻസസിൽ പ്രസിദ്ധീകരിച്ച പഠനത്തിൽ പറയുന്നത്. യൂറോപ്പ്, വടക്കൻ ഏഷ്യ, വടക്കേ ആഫ്രിക്ക, അറേബ്യൻ ഉപദ്വീപിന്‍റെ ചില ഭാഗങ്ങൾ, വടക്കേ അമേരിക്ക എന്നിവിടങ്ങളിലായാണിത്​. മഡഗാസ്​കറിലും അന്‍റാർട്ടിക്കയിലും പക്ഷികൾ കുറവാണ്.

@ 1.6 ശതകോടി കുരുവികൾ

@ കാളിക്കിളി (European Starling), വയൽകോതി കത്രിക (barn swallow), കടൽക്കാക്ക (ring-billed gulls) എന്നിവ ശതകോടിയ്ക്ക് മേൽ

@ പത്തിൽ ഒന്ന്​ പക്ഷി വർഗങ്ങളുടെയും എണ്ണം​ 5,000ത്തിൽ താഴെ