ഇന്ന് അറുപത്തിയൊന്നാം പിറന്നാൾ ആഘോഷിക്കുന്ന മലയാളത്തിന്റെ സൂപ്പർതാരം മോഹൻലാലിന് സമ്മാനവുമായി മരക്കാർ ടീം.. പ്രിയദര്‍ശന്‍ സംവിധാനം ചെയ്ത് ‘മരക്കാര്‍ അറബിക്കടലിന്റെ സിംഹം’ എന്ന ചിത്രത്തിലെ ലിറിക്കല്‍ ​വീഡിയോ ഗാനമാണ് പിറന്നാൾ ദിനത്തിൽ പുറത്തിറങ്ങിയത്. ‘ചെമ്പിന്റെ ചേലുള്ള…’ എന്നാരംഭിക്കുന്ന ഗാനമാണ് സൈന മ്യൂസിക്ക് പുറത്തിറക്കിയത്.

പ്രിയദര്‍ശന്‍ എഴുതി റോണി റാഫേല്‍ സംഗീതംചെയ്ത ഗാനം വിഷ്ണു രാജാണ് ആലപിച്ചത്. തമിഴ്, കന്നട, തെലുങ്ക്, ഹിന്ദി, മലയാളം തുടങ്ങിയ അഞ്ചു ഭാഷകളിലും ഈ ഗാനം അവതരിപ്പിക്കുന്നുണ്ട്‌ . അര്‍ജ്ജുന്‍ സര്‍ജ, സുനില്‍ ഷെട്ടി, പ്രഭു, മുകേഷ്, നെടുമുടി വേണു, സിദ്ദിഖ്, മഞ്ജു വാര്യര്‍, കീര്‍ത്തി സുരേഷ് തുടങ്ങിയവരാണ് ചിത്രത്തിലെ മറ്റുപ്രധാന താരങ്ങള്‍. ആന്റണി പെരുമ്ബാവൂരാണ് നിര്‍മാണം.