കൊച്ചി: കൊവിഡും ലോക്ക്ഡൗണും മൂലം കടുത്ത സാമ്പത്തിക പ്രതിസന്ധിയിലായ ഗൃഹോപകരണ വ്യാപാരമേഖലയ്ക്ക് ഉണർവേകാൻ ഓൺലൈൻ ഓർഡറുകളുടെ ഹോം ഡെലിവറി അനുവദിക്കണമെന്ന് മുഖ്യമന്ത്രിയോട് ഡീലേഴ്സ് അസോസിയേഷൻ ഒഫ് ടിവി ആൻഡ് അപ്ളയൻസസ് - ഡാറ്റ (കേരള) അഭ്യർത്ഥിച്ചു. സംസ്ഥാനത്ത് 2,000ലേറെ ഗൃഹോപകരണ വ്യാപാരികളും 20,000ലധികം തൊഴിലാളികളുമുണ്ട്. സംസ്ഥാന സർക്കാരിലേക്ക് ഏറ്റവുമധികം നികുതിനൽകുന്ന മേഖലകളിലൊന്ന് കൂടിയാണിത്.
വ്യാപാരികളുടെയും തൊഴിലാളികളുടെയും കുടുംബങ്ങളുടെയും നിലനിൽപ്പിനായുള്ള ആശ്വാസനടപടി എന്നോണം ഓൺലൈൻ, ഫോൺകോൾ, വാട്സ്ആപ്പ്, ഇ-മെയിൽ എന്നിവവഴി ലഭിക്കുന്ന ഓർഡറുകൾ എല്ലാ കൊവിഡ് മാനദണ്ഡങ്ങളും പാലിച്ച്, ഉപഭോക്താക്കളെ കടയിലേക്ക് വരുത്താതെ തന്നെ ഹോം ഡെലിവറി ചെയ്യാൻ അനുവദിക്കണമെന്ന് അസോസിയേഷൻ സംസ്ഥാന പ്രസിഡന്റ് എസ്. അനിൽകുമാർ, സെക്രട്ടറി പി.എസ്. പ്രമോദ് എന്നിവർ ആവശ്യപ്പെട്ടു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |