തൃശൂർ: കൊടകര കുഴൽപ്പണ കേസിന്റെ പേരിൽ ബിജെപി പ്രവർത്തകർ ചേരിതിരിഞ്ഞ് ഏറ്റുമുട്ടിയതിനെ തുടർന്ന് ഒരാൾക്ക് കുത്തേറ്റ സംഭവത്തിൽ നാല് പേർ അറസ്റ്റ് ചെയ്ത് പൊലീസ്. വാടാനപ്പള്ളി തൃത്തല്ലൂരിലെ ബിജെപി പ്രവർത്തകരായ സഹലേഷ്, സഫലേഷ്, സജിത്, ബിപിൻദാസ് എന്നിവരാണ് പിടിയിലായത്.

അറസ്റ്റ്വ ചെയ്തവർക്കെതിരെ വധശ്രമം ഉൾപ്പെടെയുള്ള കുറ്റങ്ങൾ ചുമത്തിയാണ് പൊലീസ് കേസ് ചാർജ് ചെയ്തിരിക്കുന്നത്. കേസിൽ കൂടുതൽ പേർ പിടിയിലാകാനുണ്ടെന്ന് പൊലീസ് വ്യക്തമാക്കി.

വാടാനപ്പള്ളി തൃത്തല്ലൂരിലെ കൊവിഡ് വാക്‌സിനേഷൻ കേന്ദ്രത്തിൽ വച്ചാണ് കഴിഞ്ഞ ദിവസമാണ് ബിജെപി പ്രവർത്തകർ ഏറ്റുമുട്ടിയത്. സംഘർഷത്തിനിടെ തൃത്തല്ലൂർ വ്യാസനഗറിലെ കിരണിനാണ് കുത്തേറ്റത്. കുഴൽപ്പണ കേസിനെച്ചൊല്ലി സോഷ്യൽ മീഡിയയിലുണ്ടായ ചില ആരോപണങ്ങളാണ് സംഘർഷത്തിന് കാരണമായത്.

content details: man stabbed during fight between bjp workers police makes arrest and register case.