മടിക്കൈ: ഭരണസമിതിയും ജീവനക്കാരും യാത്രയയപ്പ് സമയത്ത് സമ്മാനമായി നൽകിയ സ്വർണ്ണമോതിരം മുഖ്യമന്ത്രിയുടെ വാക്സിൻ ചലഞ്ചിലേക്ക് നൽകി പഞ്ചായത്ത് സെക്രട്ടറിയുടെ മാതൃക. 36 വർഷത്തെ സേവനത്തിനു ശേഷം മടിക്കൈ പഞ്ചായത്ത് സെക്രട്ടറിയായി വിരമിച്ച കെ.പി. ശശിധരനാണ് മോതിരം വാക്സിൻ ചാലഞ്ചിലേക്ക് കൈമാറിയത് .
1985 ൽ ക്ലാർക്കായി ഔദ്യോഗിക ജീവിതമാരംഭിച്ച ശശിധരൻ നീണ്ട കാലം മടിക്കൈ പഞ്ചായത്ത് സെക്രട്ടറിയായി. യാത്രയയപ്പ് യോഗത്തിൽ സി.പി. എം ജില്ല സെക്രട്ടറി എം.വി ബാലകൃഷ്ണൻ സ്വർണ്ണമോതിരം ഏറ്റുവാങ്ങി.പഞ്ചായത്ത് പ്രസിഡന്റ് എസ്. പ്രീത അദ്ധ്യക്ഷത വഹിച്ചു . മുൻപഞ്ചായത്ത് പ്രസിഡന്റുമാരായ കെ.വി കുമാരൻ, സി. പ്രഭാകരൻ, പി. ബേബി, എം. രാജൻ, അസിസ്റ്റന്റ് സെക്രട്ടറി മധുസൂദനൻ, പി.കെ വിനോദ്, അനിൽകുമാർ എന്നിവർ സംസാരിച്ചു. പഞ്ചായത്ത് വൈസ് പ്രസിഡന്റ് വി. പ്രകാശൻ സ്വാഗതം പറഞ്ഞു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |