തൃശൂർ: കൊവിഡ് രണ്ടാം തരംഗത്തിന്റെ പശ്ചാത്തലത്തിൽ സംസ്ഥാനത്ത് ലോക്ഡൗൺ തുടരുന്ന സാഹചര്യത്തിലും വിവിധ യൂണിവേഴ്‌സിറ്റികളുടെ വാർഷിക, സെമസ്റ്റർ പരീക്ഷകൾ നീട്ടിവയ്ക്കുകയോ റദ്ദാക്കുകയോ ചെയ്യാൻ യൂണിവേഴ്‌സിറ്റികൾക്ക് നിർദേശം നൽകാൻ അടിയന്തര നടപടി സ്വീകരിക്കണമെന്ന് രമ്യ ഹരിദാസ് എം.പി ഗവർണർ ആരിഫ് മുഹമ്മദ്ഖാനോട് ആവശ്യപ്പെട്ടു.

പൊതുഗതാഗത സംവിധാനം പൂർണമായും പ്രവർത്തനസജ്ജമാകാൻ സമയമെടുക്കുമെന്നതിനാൽ താമസസ്ഥലത്തു നിന്നും ഏറെ ദൂരെ പരീക്ഷാ കേന്ദ്രങ്ങൾ ലഭിക്കുന്ന വിദ്യാർത്ഥികൾക്ക് യാത്ര ചെയ്യാനുള്ള സാഹചര്യമില്ല. വാക്‌സിൻ സ്വീകരിക്കാത്ത ആയിരക്കണക്കിന് വിദ്യാർത്ഥികൾ പരീക്ഷകൾക്കായി ഒത്തുചേരുമ്പോഴുണ്ടാകുന്ന സാഹചര്യം രോഗം കൂടുതൽപേരിലേക്ക് പകരാനിടയാക്കുമെന്നും രമ്യ ഹരിദാസ് ചൂണ്ടിക്കാട്ടി.