തിരുവനന്തപുരം: സംസ്ഥാനത്തെ ഐ.ടി പാർക്കുകളിൽ വിവിധ കമ്പനികളിൽ ജോലി ചെയ്യുന്ന ജീവനക്കാർക്കും കുടുംബാംഗങ്ങൾക്കും കൊവിഡ് വാക്സിൻ നൽകുന്ന സംസ്ഥാനതല പദ്ധതിക്ക് തുടക്കമായി. തിരുവനന്തപുരം ടെക്നോപാർക്കിൽ വാക്സിനേഷൻ ക്യാമ്പ് കടകംപള്ളി സുരേന്ദ്രൻ എം.എൽ.എ ഉദ്ഘാടനം ചെയ്തു. ടെക്നോപാർക്ക് എംപ്ലോയീസ് കോ-ഓപ്പറേറ്റീവ് (ടെക്ക്) ഹോസ്പിറ്റലിന്റെ മേൽനോട്ടത്തിലാണ് വാക്സിനേഷൻ. രണ്ടു ലക്ഷം കോവിഷീൽഡ് വാക്സിൻ പൂനെ സിറം ഇൻസ്റ്റിറ്റ്യൂട്ടിൽ നിന്ന് ടെക്ക് ഹോസ്പിറ്റൽ നേരിട്ടു വാങ്ങി. പാർക്കിലെ എച്ച് ആൻഡ് ആർ ബ്ലോക്ക് സജ്ജീകരിച്ച ക്യാമ്പിൽ ഇന്നലെ കുത്തിവയ്പ്പ് ആരംഭിച്ചു. അടുത്ത ഘട്ടങ്ങളിലായി കൊച്ചി ഇൻഫോ പാർക്കിലും കോഴിക്കോട് സൈബർ പാർക്കിലും വാക്സിനേഷൻ ക്യാമ്പുകൾ നടത്തുമെന്ന് ഐ.ടി പാർക്സ് സി.ഇ.ഒ ജോൺ എം.തോമസ് പറഞ്ഞു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |