അപ്പാനി ശരത്ത്, ടിറ്റോ വിൽസൺ എന്നിവർ പ്രധാന വേഷത്തിലെത്തുന്ന ലൗ എഫ് എം നാളെ ഒ ടി ടി റിലീസിന്. ബെൻസി പ്രൊഡക്ഷൻസിന്റെ ബാനറിൽ ഒരുങ്ങുന്ന ചിത്രം നവാഗതനായ ശ്രീദേവ് കപ്പൂർ സംവിധാനം നിർവഹിക്കുന്നു. നേരത്തേ തിയേറ്ററുകളിൽ റിലീസ് ചെയ്ത ചിത്രം വ്യത്യസ്തമായ പ്രണയം പറയുന്ന സിനിമയാണ്. ഏതൊരു മലയാളികളുടെയും ഗൃഹാതുര ഓർമ്മയായി മാറിയ റേഡിയോ ഈ ചിത്രത്തിൽ പ്രേക്ഷകർക്ക് ഒരു നവ്യാനുഭവമായി മാറുകയാണ്. ഒരു വികാരമായി റേഡിയോ നെഞ്ചിലേറ്റിയ പഴയ തലമുറയുടെ പ്രണയവും വിരഹവും സന്തോഷവും സങ്കടങ്ങളും ഒക്കെ ചിത്രത്തിൽ ഒപ്പിയെടുക്കുന്നു. ആ മനോഹരമായ റേഡിയോകാലം ലൗ എഫ് എമ്മിൽ പുനർജനിക്കുകയാണ്.ജാനകി കൃഷ്ണൻ , മാളവിക മേനോൻ , എം 80 മൂസ ഫെയിം അഞ്ജു എന്നിവരാണ് നായികമാർ. . ജിനോ ജോൺ , സിനോജ് അങ്കമാലി, വിജിലേഷ്,നിർമ്മൽ പാലാഴി, ദേവൻ , മാമുക്കോയ, മണികണ്ഠൻ പട്ടാമ്പി തുടങ്ങിയവരാണ് ചിത്രത്തിലെ മറ്റു അഭിനേതാക്കൾ.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |