തിരുവനന്തപുരം: കാസർകോട് മുതൽ തിരുവനന്തപുരംവരെ നിർമിക്കുന്ന പുതിയ വേഗ റെയിൽപാതയ്ക്കായി ഭൂമി ഏറ്റെടുക്കൽ പ്രക്രിയ ആരംഭിക്കാനിരിക്കെ പാത ഏതൊക്കെ സ്ഥലങ്ങളിലൂടെ കടന്നു പോകുമെന്ന് അറിയാൻ മാപ്പ് പ്രസിദ്ധീകരിച്ച് അധികൃതർ. നിലവിലെ പദ്ധതിരേഖ അനുസരിച്ച് പാത കടന്നുപോകുന്ന അലൈൻമെന്റിന്റെ രൂപരേഖയുടെ മാപ്പ് കെ-റെയിലിന്റെ വെബ്സൈറ്റിൽ ലഭ്യമാണ് (https://keralarail.com/alignment-of-silver-line-corridor/).
ഈ പാതയിൽ നേരിയ വ്യത്യാസങ്ങൾ പ്രതീക്ഷിക്കാമെങ്കിലും ഓരോ സ്ഥലത്തിന്റെയും കൃത്യമായ വിവരങ്ങൾ മാപ്പിൽ ഉണ്ട്. സ്മാർട്ട് ഫോണിൽ പ്രവർത്തിക്കുന്ന തരത്തിൽ ഗൂഗിൾ മാപ്പിലാണ് പാതയുടെ അലെെൻമെന്റ് രേഖപ്പെടുത്തിയിരിക്കുന്നത്. ട്രെയിൻ നാലു മണിക്കൂർ കൊണ്ട് തിരുവനന്തപുരത്തുനിന്നും കാസർഗോഡ് എത്തുമെന്നാണ് കരുതുന്നത്. ട്രെയിനുകൾ മണിക്കൂറില് 200 കിലോമീറ്റര് വേഗത്തിലാവും സഞ്ചരിക്കുക.
ഈ സിൽവർ ലൈൻട്രാക്കിൽ 11 സ്റ്റേഷനുകൾ ഉണ്ട്. തിരുവനന്തപുരം, കൊല്ലം, ചെങ്ങന്നൂർ, കോട്ടയം, എറണാകുളം, കൊച്ചി വിമാനത്താവളം, തൃശൂർ, തിരൂർ, കോഴിക്കോട്, കണ്ണൂർ, കാസർകോട് എന്നിവിടങ്ങളിലാണ് സ്റ്റേഷനുകൾ തീരുമാനിച്ചിരിക്കുന്നത്. ഇതിൽ നെടുമ്പാശേരി വിമാനത്താവളത്തിനോടു ചേർന്നാണ് സ്റ്റേഷൻ അനുവദിച്ചിരിക്കുന്നത്. തിരക്കേറിയ തിരുവനന്തപുരം-എറണാകുളം പാതയിൽ യാത്രാസമയം വെറും ഒന്നര മണിക്കൂറായിരിക്കുമെന്നാണ് പ്രതീക്ഷ.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |