SignIn
Kerala Kaumudi Online
Sunday, 01 August 2021 12.43 PM IST

'അവർക്ക് ലോക്ക് ഡൗണില്ല'

photo
വാഹനങ്ങൾക്ക് ബുദ്ധിമുട്ട് ഉണ്ടാക്കി മൊട്ടാമ്പ്രം റോഡിൽ രാത്രിയിൽ വിഹരിക്കുന്ന കന്നുകാലികൾ

പഴയങ്ങാടി: കയറൂരി വിടുന്ന ആടുമാടുകൾ തെരുവുകളും കൃഷിയിടങ്ങളും റോഡുകളും കൈയടക്കി കർഷകർക്കും വ്യാപാരികൾക്കും യാത്രക്കാർക്കും ഒരുപോലെ ഉപദ്രവമാകുന്നു. സ്വകാര്യ വ്യക്തികളും അറവുശാല നടത്തിപ്പുകാരും ഒന്നുപോലെ തങ്ങളുടെ പക്കലുള്ള ആടുമാടുകളെ കയറൂരിവിടുകയാണ്.

പഴയങ്ങാടി, മാട്ടൂൽ, മുട്ടം, പുതിയങ്ങാടി പ്രദേശങ്ങളിലെ കൃഷിയിടങ്ങളിലും വീടുകളിലെ തോട്ടങ്ങളിലും കയറൂരിവിടുന്ന ആടുമാടുകൾ മേഞ്ഞുനടക്കുകയാണ്. റോഡുകളിൽ നിലയുറപ്പിച്ച് വാഹനഗതാഗതം തടസപ്പെടുത്തുന്നവയും കുറവല്ല. രാപ്പകൽ വ്യത്യസമില്ലാതെയാണ് ഇവയുടെ സഞ്ചാരം. വാഹനത്തിരക്കുള്ള പഴയങ്ങാടി, മാട്ടൂൽ, പുതിയങ്ങാടി, മുട്ടം റോഡുകളിലാണ് ഈ ദൃശ്യങ്ങൾ കൂടുതൽ.

യാത്രത്തിരക്കേറിയ കാലത്ത് പഴയങ്ങാടി പുതിയ ബസ് സ്റ്റാൻഡിൽ ആടുമാടുകൾ കൂട്ടത്തോടെ എത്തി വ്യാപാര സ്ഥാപനങ്ങളുടെ മുന്നിലും പരിസരങ്ങളിലും വിസർജ്ജിക്കുന്നത് പതിവായിരുന്നു.

നടപടിയെടുക്കാം, തദ്ദേശസ്ഥാപനങ്ങൾക്ക്

വളർത്തുന്ന ആടുമാടുകളെ കയറൂരി വിടുന്നത് പഞ്ചായത്ത് രാജ് ആക്‌ട് പ്രകാരം ശിക്ഷാർഹമായ കുറ്റമാണ്. കുറ്റം ചെയുന്നവർക്കെതിരെ ക്രിമിനലായും സിവിലായും നടപടി സ്വീകരിക്കുവാൻ പഞ്ചായത്തുകൾക്ക് അധികാരമുണ്ട്. ഗ്രാമസഭകളിലും പൊതുജനങ്ങൾക്കിടയിലും അലഞ്ഞുതിരിയുന്ന കന്നുകാലികളെ കുറച്ച് പരാതി ഉയർന്നതിനെ തുടർന്ന് ചില പഞ്ചായത്തുകൾ ഉച്ചഭാഷിണി വഴി ആടുമാടുകളെ കയറൂരി വിടുന്നതിനെതിരെ മുന്നറിയിപ്പു നൽകിയിട്ടും ഫലമുണ്ടായില്ല.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, KANNUR, ROAD
KERALA KAUMUDI EPAPER
VIDEOS
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.