SignIn
Kerala Kaumudi Online
Friday, 29 March 2024 4.35 AM IST

മൂന്നാം ദിവസത്തെ തിരച്ചിലും വിഫലം: ഇടുക്കി ജലാശയത്തിൽ ഒഴുക്കിൽപ്പെട്ടവരെ കണ്ടെത്താനായില്ല

upputhara
ഇടുക്കി ജലാശയത്തില്‍ തിരച്ചിലിനായി പുറപ്പെടുന്ന നാട്ടുകാര്‍.

കട്ടപ്പന: മീൻ പിടിക്കാൻ വല വീശുന്നതിനിടെ ജലാശയത്തിൽ ഒഴുക്കിൽപ്പെട്ടവരെ കണ്ടെത്താൻ മൂന്നാം ദിവസം നടത്തിയ തിരച്ചിലും വിഫലം. ഉപ്പുതറ മാട്ടുത്താവളം കുമ്മിണിയിൽ ജോയ്‌സ്(31), ഇല്ലിക്കൽപറമ്പിൽ മനു(31) എന്നിവരെയാണ് ചൊവ്വാഴ്ച വൈകിട്ട് കെട്ടുചിറക്കു സമീപം ഒഴുക്കൻപാറയിൽ കാണാതായത്. ഇന്നലെ സ്‌കൂബ ടീമിനൊപ്പം മുങ്ങൽ വിദഗ്ദ്ധരായ നാട്ടുകാരും ചേർന്ന് രാവിലെ 6 മുതൽ ഇടുക്കി ജലാശയത്തിൽ തിരച്ചിൽ ആരംഭിച്ചു. കെട്ടുചിറ, ഭീമൻചുവട്, സീതക്കയം, ആനപ്പള്ളം, കൊച്ചിടുക്കി എന്നിവിടങ്ങളിലും നാല് കിലോമീറ്റർ ചുറ്റളവിലും തിരച്ചിൽ നടത്തിയെങ്കിലും ഫലമുണ്ടായില്ല. കനത്ത മഴ തുടരുന്നതിനാൽ ഇടുക്കി ജലാശയത്തിൽ ജലനിരപ്പുയരുന്നതും പ്രതികൂല കാലാവസ്ഥയും തിരച്ചിലിന് തിരിച്ചടിയായി. വില്ലേജ് ഓഫീസർ എം. പ്രിജിമോൻ, ഉപ്പുതറ സി.ഐ. ആർ മധു, പഞ്ചായത്ത് പ്രസിഡന്റ് കെ.ജെ. ജയിംസ് എന്നിവർ നേതൃത്വം നൽകി.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: LOCAL NEWS, IDUKKI
KERALA KAUMUDI EPAPER
TRENDING IN LOCAL
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.