SignIn
Kerala Kaumudi Online
Monday, 26 July 2021 11.05 AM IST

മാനസികമായ പ്രശ്‌നങ്ങൾക്കും വിഷാദരോഗത്തിനും പരിഹാരം കാണാൻ യോഗയ്‌ക്ക്‌ സാധിക്കും; തൃശൂരിൽ യോഗ ചെയ്‌ത് ബി ജെ പി സംസ്ഥാന അദ്ധ്യക്ഷൻ

surendran
ഫോട്ടോ: റാഫി എം. ദേവസി

തൃശൂർ: കൊവിഡ് ദുരിതകാലത്ത് ലോകമെമ്പാടുമുള്ള ജനങ്ങൾ യോഗയിലേക്ക് കൂടുതൽ അടുക്കുകയാണെന്ന് ബി ജെ പി സംസ്ഥാന അദ്ധ്യക്ഷൻ കെ സുരേന്ദ്രൻ. മഹാമാരി കാലത്ത് യോഗ നൽകുന്നത് പ്രതീക്ഷയുടെ കിരണമാണ്. അതുകൊണ്ടാണ് കേന്ദ്രസർക്കാർ പുതിയ ദേശീയ വിദ്യാഭ്യാസ നയത്തിൽ യോഗയ്ക്ക് പ്രാധാന്യം നൽകിയതെന്നും സുരേന്ദ്രൻ പറഞ്ഞു. തൃശൂരിൽ ബി ജെ പി ജില്ലാ കമ്മിറ്റി സംഘടിപ്പിച്ച അന്താരാഷ്ട്രയോഗദിനാചരണം ഉദ്ഘാടനം ചെയ്‌ത് സംസാരിക്കുകയായിരുന്നു അദ്ദേഹം.

യോഗ പഠനവും പരിശീലനവും കരിക്കുലത്തിന്‍റെ ഭാഗമാക്കാൻ പിണറായി വിജയൻ സർക്കാർ തയ്യാറാവണം. കൊവിഡ് കാലത്ത് മാനസികമായ പ്രശ്‌നങ്ങൾക്കും വിഷാദരോഗത്തിനും പരിഹാരം കാണാൻ യോഗയ്ക്ക് സാധിക്കും. എല്ലാവർക്കും ആരോഗ്യവും സമാധാനവും നൽകാൻ യോഗയ്ക്ക് സാധിക്കട്ടേയെന്നും കെ സുരേന്ദ്രൻ പറഞ്ഞു.

surendran

ചടങ്ങിൽ ജില്ലാപ്രസിഡൻ്റ് കെ കെ അനീഷ്‌കുമാർ അദ്ധ്യക്ഷത വഹിച്ചു. ബി ജെ പി ദേശീയ നിർവാഹക സമിതി അംഗം പി കെ കൃഷ്‌ണദാസ്, സംസ്ഥാന വൈസ് പ്രസിഡന്‍റ് എം എസ് സമ്പൂർണ, സംസ്ഥാന വക്താവ് ബി ഗോപാലകൃഷ്‌ണൻ, റിട്ട മേജർ ഡോ ഗോപിനാഥൻ നായർ, ജില്ലാ ജനറൽ സെക്രട്ടറി ആർ ഹരി എന്നിവർ പങ്കെടുത്തു. യോഗ അദ്ധ്യാപകൻ ബാബു കാരന്തരയുടെ നേതൃത്വത്തിൽ യോഗ പരിശീലനവും നടന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: KSURENDRAN, BJP, PINARAYI VIJAYAN, THRISSUR YOGA, INTERNATIONAL YOGA DAY
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.