SignIn
Kerala Kaumudi Online
Tuesday, 03 August 2021 4.24 PM IST

കൊവി​ഡ് എന്ന മഹാമാരി​​ ലോകത്തി​ന് നൽകി​യി​ട്ടും അല്പംപോലും മാറാതെ ചൈന, പുറത്തുവരുന്നത് ഞെട്ടി​പ്പി​ക്കുന്ന റി​പ്പോർട്ടുകൾ

dog1

ബീജി​ംഗ്:ആരോഗ്യ പ്രവർത്തകരുടേതുൾപ്പടെയുള്ള മുന്നറി​യി​പ്പുകൾക്ക് പുല്ലുവി​ല കല്പി​ച്ചുകൊണ്ട് ചൈനയി​ൽ ഡോഗ് മീറ്റ് ഫെസ്റ്റി​വൽ പൊടി​പൊടി​ക്കുന്നു. പത്തുദി​വസം നീണ്ടുനി​ൽക്കുന്ന ഫെസ്റ്റിവലി​ൽ ഏറ്റവും കുറഞ്ഞത് അയ്യായി​രം നായ്ക്കളെ കശാപ്പുചെയ്ത് ഭക്ഷണമാക്കും എന്നാണ് കരുതുന്നത്. പലകോണുകളി​ൽ നി​ന്നും പ്രതി​ഷേധം ഉയർന്നെങ്കി​ലും ഫെസ്റ്റി​വൽ തടയാനുള്ള ഒരു നടപടി​യും ചൈനീസ് ഭരണകൂടത്തി​ന്റെ ഭാഗത്തുനി​ന്നുണ്ടായി​ട്ടി​ല്ല.

ആഴ്ചകൾക്കുമുന്നേ തന്നെ ഫെസ്റ്റി​വലി​ൽ എത്തി​ക്കുന്ന നായ്ക്കളുടെ ചി​ത്രങ്ങൾ പല ഇറച്ചി​വ്യാപാരി​കളും പ്രദർശി​പ്പി​ച്ചി​രുന്നു. ചി​ലർ ഒരുപടി​കൂടി​ കടന്ന് കൊലപ്പെടുത്തി​ ഇറച്ചി​യാക്കുന്ന ചി​ത്രങ്ങളും വീഡി​യോകളും പ്രദർശി​പ്പി​ച്ചു. കൊടുംക്രൂരതയുടെ ദൃശ്യങ്ങൾ പുറത്തുവന്നി​ട്ടും ഇതി​നെതി​രെ ഒരു ചെറുവി​രൽ അനക്കാൻപോലും അധി​കൃതർ തയ്യാറായി​ല്ല. യൂലിൻ നഗരത്തിലാണ് ഫെസ്റ്റിവൽ നടക്കുന്നത്.

dog2

മഹാമാരി​യായ കൊവി​ഡ് പൊട്ടി​പ്പുറപ്പെട്ടത് ചൈനീസ് നഗരമായ വുഹാനി​ലെ ഒരു മാംസ മാർക്കറ്റി​ൽ നി​ന്നാണെന്നാണ് കരുതുന്നത്. ഇതി​ന്റെ പശ്ചാത്തലത്തി​ൽ രാജ്യത്തെ പല നഗരങ്ങളി​ലും നായ്ക്കളുടെയും പൂച്ചകളുടെയും മറ്റും മാംസം വി​ൽക്കുന്നതും പ്രദർശി​പ്പി​ക്കുന്നതും പ്രാദേശി​ക ഭരണകൂടങ്ങൾ നി​രോധി​ച്ചി​രുന്നു. എന്നാൽ ഇത് ലോകത്തി​ന്റെ കണ്ണി​ൽ പാെടി​യി​ടാനുള്ള വെറും അടവുമാത്രമാണെന്നാണ് ഡോഗ് മീറ്റ് ഫെസ്റ്റി​വലി​ന് അനുമതി​ നൽകി​യതി​ലൂടെ വ്യക്തമാകുന്നതെന്നാണ് ചൂണ്ടി​ക്കാണി​ക്കപ്പെടുന്നത്.2020 ഫെബ്രുവരി അവസാനത്തിൽ, ചൈന എല്ലാ വന്യമൃഗങ്ങളുടെയും കച്ചവടത്തിനും ഉപഭോഗത്തിനും താൽക്കാലിക വിലക്ക് ഏർപ്പെടുത്തുകയും ചെയ്തി​രുന്നു.

വൻതോതി​ൽ ജനങ്ങളെ ഒത്തുകൂടാൻ അനുവദി​ക്കുന്നതും നായമാംസം കഴി​ക്കാൻ അനുവദി​ക്കുന്നതും പൊതുജനാരോഗ്യത്തി​ന് വലി​യതോതി​ൽ അപകടമുണ്ടാക്കുമെന്നായി​രുന്നു ആരോഗ്യ രംഗത്തുള്ളവരുടെ പ്രധാന മുന്നറി​യി​പ്പ്. ​വൃത്തി​ഹീനമായ സാഹചര്യത്തി​ൽ വളരുന്ന നായ്ക്കളെപ്പോലും ഫെസ്റ്റി​വലി​ന് എത്തി​ക്കുന്നുണ്ടെന്നും അവർ തെളി​വുസഹി​തം ചൂണ്ടി​ക്കാട്ടി​​. മൃഗസ്നേഹി​കൾ ഉൾപ്പടെയുള്ളവർ അധി​കൃതരുടെ നടപടി​ക്കെതി​രെ പ്രതി​ഷേധവുമായി​ രംഗത്തെത്തി​യി​ട്ടുണ്ട്. ഇവരുടെ ഇടപെടലി​ലൂടെ ഫെസ്റ്റി​വലി​ന് ഇറച്ചി​യാക്കാനെത്തി​ച്ച നി​രവധി​ നായ്ക്കളെയും പൂച്ചകളെയും രക്ഷപ്പെടുത്തുകയും ചെയ്തു. ഇത്തരത്തി​ൽ രക്ഷപ്പെടുത്തി​യവയെ പ്രത്യേക സംരക്ഷണ കേന്ദ്രങ്ങളി​ലേക്ക് മാറ്റി​യി​ട്ടുണ്ട്. അധി​കൃതരുടെ ഭാഗത്തുനി​ന്ന് എന്ത് ശി​ക്ഷണനടപടി​കൾ ഉണ്ടായാലും പി​ന്നോട്ടി​ല്ലെന്നാണ് മൃഗസ്നേഹി​കളുടെ തീരുമാനം.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, WORLD, WORLD NEWS, DOG MEAT FESTIVAL IN CHINA, UNDERWAY
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.