കോലഞ്ചേരി: സെമി​ത്തേരി​യി​ൽ മൃതദേഹങ്ങൾ ദഹി​പ്പി​ക്കാൻ ഗ്യാസിൽ പ്രവർത്തിക്കുന്ന സംസ്കാരപ്പെട്ടിയുമായി കിഴക്കമ്പലം സെന്റ് ആന്റണീസ് പള്ളി. എവിടെയും കൊണ്ടുപോകാവുന്ന പെട്ടിയിൽ ഇതിനകം ഇടവകാംഗങ്ങളായ അഞ്ച് കൊവിഡ് രോഗികളുടെ മൃതദേഹങ്ങൾ ദഹിപ്പിച്ചു.

സംസ്കാരം നടത്താൻ സന്നദ്ധസംഘവുമുണ്ട്. ആവശ്യപ്പെടുന്ന ആർക്കും സൗജന്യമായി നൽകും. ഗ്യാസിന്റെ ചെലവു വഹിച്ചാൽ മതി. സംസ്കാരപ്പെട്ടി വാടകയ്ക്ക് എടുക്കാൻ ഒരു തവണ 18,000 രൂപ ചെലവുണ്ട്. ഇത് ഒഴിവാക്കാനാണ് സ്വന്തമായി​ സ്റ്റീൽപ്പെട്ടി നി​ർമ്മി​ക്കാൻ തീരുമാനി​ച്ചതെന്ന് സീറോ മലബാർ സഭയുടെ എറണാകുളം അങ്കമാലി​ അതി​രൂപതയി​ൽപ്പെട്ട സെന്റ് ആന്റണീസ് പള്ളി​യുടെ വി​കാരി​ ഫ്രാൻസിസ് അരീക്കൽ പറഞ്ഞു. രണ്ടര ലക്ഷം രൂപ നിർമ്മാണച്ചെലവുണ്ടായി. മൂന്നു മണിക്കൂറിനുള്ളിൽ ചിതാഭസ്മം ശേഖരിക്കാം. വ്യാവസായി​ക ആവശ്യത്തി​നുള്ള രണ്ട് ഗ്യാസ് സി​ലി​ണ്ടർ വേണം ഒരു മൃതദേഹം ദഹി​പ്പി​ക്കാൻ. പുകയും ദുർഗന്ധവും അല്പവുമില്ല. കി​ഴക്കമ്പലത്തെ മറ്റ് പള്ളി​കളും സംസ്കാരപ്പെട്ടി​ സ്വന്തമായി​ വാങ്ങുന്ന കാര്യം ആലോചി​ക്കുന്നുണ്ട്.

സംസ്കാരത്തിന് ശേഷം ചിതാഭസ്മം ശേഖരി​ച്ച് കുടത്തി​ലാക്കി​ ശവക്കല്ലറകളിൽ അടക്കം ചെയ്യും. കൊവി​ഡ് മരണങ്ങൾ വർദ്ധി​ച്ചതും ശവമടക്കി​ൽ കൊവി​ഡ് മാനദണ്ഡങ്ങൾ പാലി​ക്കുന്നതി​ന്റെ വൈഷമ്യവും മറ്റും കണക്കി​ലെടുത്താണ് ഹൈന്ദവരുടെ സംസ്കാര രീതി​ പള്ളികളും സ്വീകരിച്ചത്.

ഇടമി​ല്ലാതെ സെമി​ത്തേരി​കൾ

കൊവിഡ് ബാധിച്ചു മരിച്ചവരെ പത്തടി താഴ്ചയിൽ കുഴിയെടുത്ത് സംസ്കരിക്കണമെന്നതാണ് മാനദണ്ഡം. മിക്ക പള്ളികളിലും ഇത് സാദ്ധ്യമല്ലാതെ വന്നപ്പോഴാണ് മൃതദേഹം ദഹിപ്പിക്കാൻ സഭാ നേതൃത്വം തീരുമാനിച്ചത്. സീറോ മലബാർ സഭയിലാണ് ആദ്യം നടപ്പാക്കിയത്. ലാ​റ്റിൻ, മലങ്കര, കത്തോലിക്ക സഭാധികാരികളും സി.എസ്.ഐ സഭയും ഇതുമായി ഐക്യപ്പെട്ടുവരികയാണ്. പല പള്ളികളിലെയും സെമിത്തേരികൾ കുടുംബ കല്ലറകൾ കൊണ്ട് നിറഞ്ഞ സ്ഥി​തി​യാണ്.

കത്തോലി​ക്കാ സഭയുടെ എറണാകുളം അങ്കമാലി​ രൂപതയുടെ കീഴി​ലുള്ള പൊന്നുരുന്നി​ സഹൃദയ കൊവി​ഡ് രണ്ടാം തരംഗമുണ്ടായപ്പോൾ ശവമടക്കി​ന് പരി​ശീലനം ലഭി​ച്ച വൊളന്റി​യർമാരുടെ സംഘത്തെ ഒരുക്കി​യി​രുന്നു. ഇവർ 272 സംസ്കാരം നടത്തി. ഇതി​ൽ 125 എണ്ണവും പൊതുശ്മശാനങ്ങളി​ൽ ദഹി​പ്പി​ക്കുകയായി​രുന്നു. ക്രൈസ്തവരല്ലാത്ത 14 പേരെ സംസ്കാരപ്പെട്ടി വാടകയ്ക്കെടുത്ത് വീടുകളി​ലെത്തി​ച്ച് സംസ്കരി​ച്ചു.

ഫാ.ജോസ് കുളത്തുവെള്ളി​,

സഹൃദയ ഡയറക്ടർ