അവിശ്വസനീയ വിജയവുമായി ക്രൊയേഷ്യ പ്രീ ക്വാർട്ടറിൽ
സ്കോട്ട്ലാൻഡിനെ കീഴടക്കിയത് 3-1ന്
വിജയത്തിന് ചുക്കാൻ പിടിച്ചത് നായകൻ ലൂക്കാ മൊഡ്രിച്ച്
ഗ്ലാസ്ഗ്ലോ: ഗ്രൂപ്പ് റൗണ്ടിലെ ആദ്യ മത്സരത്തിൽ തോൽക്കുകയും രണ്ടാം മത്സരത്തിൽ സമനിലയിൽ കുരുങ്ങുകയും ചെയ്ത ക്രൊയേഷ്യ മൂന്നാം മത്സരത്തിൽ അവിസ്മരണീയ വിജയം നേടി യൂറോ കപ്പിന്റെ പ്രീ ക്വാർട്ടറിലേക്ക് കാലെടുത്തുവച്ചു. കഴിഞ്ഞ രാത്രി സ്കോട്ട്ലാൻഡിനെ ഒന്നിനെതിരെ മൂന്നുഗോളുകൾക്കാണ് ക്രൊയേഷ്യ കീഴടക്കിയത്. ആദ്യ പകുതിയിൽ 1-1ന് സമനിലയിലായിരുന്ന മത്സരത്തിന്റെ രണ്ടാം പകുതിയിൽ രണ്ടു തകർപ്പൻ ഗോളുകളടിച്ചാണ് കഴിഞ്ഞ ലോകകപ്പിലെ റണ്ണർ അപ്പുകൾ യൂറോയുടെ അവസാന പതിനാറിലെത്തിയത്. ഈ ടൂർണമന്റിലെ തന്നെ മികച്ച ഗോളുകളിലൊന്നിന് ഉടമയാവുകയും മറ്റൊന്നിന് വഴിയൊരുക്കുകയും ചെയ്ത നായകൻ ലൂക്കാ മൊഡ്രിച്ചാണ് ക്രൊയേഷ്യൻ വിജയത്തിന് ചുക്കാൻ പിടിച്ചത്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |