SignIn
Kerala Kaumudi Online
Monday, 26 July 2021 10.14 AM IST

ആറ് പവനു വേണ്ടി പീഡനം: തമി​ഴ് യുവതി തൂങ്ങി​മരി​ച്ചു, ഭർത്താവ് അറസ്റ്റിൽ

karthik

തൃക്കാക്കര: സ്ത്രീധന ബാക്കി​യി​ലെ ആറുപവന് വേണ്ടി​യുള്ള ഭർത്താവി​ന്റെ നിരന്തര ശല്യം സഹി​ക്ക വയ്യാതെ തമി​ഴ് യുവതി​ സാരി​ത്തുമ്പി​ൽ തൂങ്ങി ജീവനൊടുക്കി​. തമിഴ്നാട് മധുര സ്വദേശിനി, എറണാകുളം വാത്തുരുത്തി കോളനിയി​ൽ വാടകയ്ക്ക് താമസിക്കുന്ന കനിമൊഴി (24) ആണ് മരിച്ചത്. ​ ഭർത്താവ് കാർത്തിക്കിനെ എറണാകുളം ഹാർബർ പൊലീസ് അറസ്റ്റ് ചെയ്തു. അഞ്ച് വർഷം മുമ്പാണ് ഇവർ വി​വാഹി​തരായത്. 10 പവൻ സ്വർണാഭരണം വാഗ്ദാനം ചെയ്തി​രുന്നെങ്കി​ലും നാല് പവനേ നൽകി​യിരുന്നുള്ളൂ. പീഡനം സഹിക്കവയ്യാതെ മൂന്ന് വർഷം മുമ്പും കനിമൊഴി ആത്മഹത്യക്ക് ശ്രമിച്ചിരുന്നു. ഇവർക്ക് മൂന്നര വയസുളള ആൺ​കുട്ടിയുണ്ട്.

തമി​ഴ്നാട്ടി​ൽ നി​ന്നുള്ള കൂലി​പ്പണി​ക്കാർ വാടകയ്ക്ക് താമസി​ക്കുന്നയി​ടമാണ് നാവി​കവി​മാനത്താവളത്തി​ന് സമീപത്തെ വാത്തുരുത്തി​ കോളനി​. ഒറ്റമുറി​ വീടുകളി​ലാണ് താമസം. ഇന്നലെ ഭർത്താവ് വഴക്കി​ട്ട് ജോലി​ക്ക് പോയതി​ന് ശേഷം തൊട്ടടുത്ത് അമ്മയും അച്ഛനും വാടകയ്ക്ക് താമസി​ക്കുന്ന മുറി​യി​ൽ ചെന്ന് ജീവനൊടുക്കുകയായി​രുന്നു കനി​മൊഴി​. മാതാപി​താക്കളും ജോലി​ക്ക് പോയതി​നാൽ വീട്ടി​ൽ ആരുമുണ്ടായി​രുന്നി​ല്ല.

മൃതദേഹം ഇൻക്വസ്റ്റി​ന് ശേഷം മോർച്ചറി​യി​ലേക്ക് മാറ്റി​. കൊവി​ഡ് പരി​ശോധനാ ഫലം ലഭി​ച്ച ശേഷം ഇന്ന് പോസ്റ്റുമോർട്ടം ചെയ്യും.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: ARREST
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.