തിരുവനന്തപുരം: കൊവിഡ് പ്രതിസന്ധി മറികടക്കുന്നതിനായി കേന്ദ്ര ധനമന്ത്രി നിർമ്മല സീതാരാമൻ പ്രഖ്യാപിച്ച 8 ഇന ദുരിതാശ്വാസ പദ്ധതികളിൽ ഇന്ത്യയിലെ ഏറ്റവും വലിയ സമൂഹമായ വ്യാപാര മേഖലയ്ക്ക് ഉണർവേകുന്നതോ ചലനാത്മകത വർദ്ധിപ്പിക്കുന്നതോ ആയ പദ്ധതികൾ ഉണ്ടാകാതെ പോയത് നിർഭാഗ്യകരമാണെന്ന് കേരള വ്യാപാരി വ്യവസായി ഏകോപന സമിതി സംസ്ഥാന ജനറൽ സെക്രട്ടറി രാജു അപ്സര പ്രസ്താവനയിൽ പറഞ്ഞു. കാർഷികമേഖലയെ അവഗണിച്ച് തകർത്തതുപോലെ വ്യാപാര മേഖലയും തകർക്കാനുള്ള കേന്ദ്രസംസ്ഥാന സർക്കാരുകളുടെ അവഗണനാനീക്കം അവസാനിപ്പിക്കണമെന്നും അദ്ദേഹം പറഞ്ഞു.