അയോദ്ധ്യ: അയോദ്ധ്യയിലെ സരയു നദിയിൽ കുളിക്കാനിറങ്ങിയ 15 അംഗ കുടുംബത്തിലെ ആറുപേർ മുങ്ങിമരിച്ചു. മൂന്നുപേരെ കാണാതായി. ആറുപേരെ പ്രദേശവാസികളും രക്ഷാപ്രവർത്തകരും ചേർന്ന് രക്ഷിച്ചു.
നിരവധി ക്ഷേത്രങ്ങൾ സ്ഥിതിചെയ്യുന്ന ഗുപ്തർഘട്ടിലെ കച്ച് ഘട്ടിലാണ് അപകടം. ആഗ്രയിൽ നിന്ന് അയോദ്ധ്യ സന്ദർശിക്കാനെത്തിയ കുടുംബമാണ് ഗുപ്തർ ഘട്ടിൽ കുളിക്കുന്നതിനിടെ ശക്തമായ ഒഴുക്കിൽപ്പെട്ടത്. കുടുംബാംഗങ്ങൾ ഒരുമിച്ച് നദിയിൽ ഇറങ്ങിയപ്പോൾ ചിലർ ഒഴുക്കിൽപ്പെടുകയായിരുന്നു. അവരെ രക്ഷിക്കാൻ ശ്രമിക്കുന്നതിനിടെയാണ് മറ്റുള്ളവരും അപകടത്തിൽപ്പെട്ടത്. രക്ഷാപ്രവർത്തനം തുടരുകയാണെന്ന് അയോദ്ധ്യ ജില്ലാ മജിസ്ട്രേറ്റ് അനുജ് കുമാർ ഝാ പറഞ്ഞു.
കാണാതായവർക്കായി തെരച്ചിൽ ഊർജ്ജിതമാക്കാൻ മുഖ്യമന്ത്രി യോഗി ആദിത്യനാഥ് നിർദ്ദേശിച്ചു. പൊലീസും മുങ്ങൽ വിദഗ്ദ്ധരും സ്ഥലത്തെത്തിയിട്ടുണ്ട്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |