SignIn
Kerala Kaumudi Online
Monday, 20 September 2021 4.36 AM IST

മൊബൈൽ ഫോൺ മോഷ്ടാവിനെ കുടുക്കിയത് അമ്മയുടെ ഫോണിലേക്ക് വന്ന ഒരു വിളി, കൂട്ടാളികൾക്കായി അന്വേഷണം

mobilephone

കൊല്ലം: നഗരത്തിലെയും സമീപപ്രദേശങ്ങളിലെയും മൊബൈൽ ഫോൺ കടകൾ കേന്ദ്രീകരിച്ച് മോഷണം നടത്തിവന്ന സംഘത്തിലെ ഒരാൾ പിടിയിലായി. ഉമയനല്ലൂർ പടനിലം കിണറുവിള പടിഞ്ഞാറ്റതിൽ വീട്ടിൽ ശരത്താണ് (24) ഈസ്റ്റ് പൊലീസിന്റെ പിടിയിലായത്.

ഈ മാസം നാലിന് പുലർച്ചെ പായിക്കട റോഡിൽ പ്രവർത്തിക്കുന്ന മൊബൈൽ ഫോൺ കടയുടെ ഷട്ട‌ർ കുത്തിത്തുറന്ന് പതിനായിരം രൂപയും സർവീസിന് നൽകിയ മൊബൈലും കവർന്ന സംഘത്തിലെ അംഗമാണ് ശരത്. കടയിലെ സി.സി ടി.വി ദൃശ്യങ്ങളിൽ നിന്നാണ് ശരത്തിനെ പൊലീസ് തിരിച്ചറിഞ്ഞത്. ഇതിന് പിന്നാലെ ഉമയനല്ലൂരിലെ വീട്ടിലെത്തി പരിശോധന നടത്തിയെങ്കിലും ഇയാൾ അവിടെ ഉണ്ടായിരുന്നില്ല.

തുടർന്ന് ശരത്തിന്റെ അമ്മയുടെ ഫോൺ പരിശോധിച്ചപ്പോൾ അടുത്തിടെ നഗരത്തിൽ വച്ച് പിടിച്ചുപറിക്കപ്പെട്ട ഒരു ഫോണിൽ നിന്ന് വിളി വന്നതായി കണ്ടു. ഫോൺ കവർന്ന ശരത്തിന്റെ സുഹൃത്ത് ഉപയോഗിക്കാനായി നൽകുകയായിരുന്നു. ഈ നമ്പർ കേന്ദ്രീകരിച്ച് നടത്തിയ അന്വേഷണത്തിൽ എറണാകുളം കടവന്ത്രയിൽ നിന്നാണ് പ്രതി പിടിയിലായത്.

സംഘത്തിലെ മറ്റ് രണ്ടുപേർക്കായി പൊലീസ് അന്വേഷണം ഊർജിതമാക്കി. പരവൂരിലടക്കം സംഘം നടത്തിയ മോഷണങ്ങൾ ശരത്ത് പൊലീസിനോട് സമ്മതിച്ചിട്ടുണ്ട്. കൊല്ലം ഈസ്റ്റ് ഇൻസ്പെക്ടർ ആർ. രതീഷ്, എസ്.ഐമാരായ ദിൽജിത്ത്, ജയലാൽ, സി.പിഒമാരായ സുനിൽഷാ അനിൽ, പ്രജേഷ് എന്നിവരടങ്ങിയ സംഘമാണ് പ്രതിയെ പിടികൂടിയത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CASE DIARY, MOBILEPHONE THEFT, ONE MAN ARRESTED, IN KOLLAM
KERALA KAUMUDI EPAPER
TRENDING IN CASE DIARY
VIDEOS
PHOTO GALLERY
TRENDING IN CASE DIARY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.