കറാച്ചി: മുൻ പാകിസ്ഥാൻ പ്രസിഡന്റ് മംനൂൻ ഹുസൈൻ വാർദ്ധക്യസഹജമായ അസുഖത്തെ തുടർന്ന് അന്തരിച്ചു. 80 വയസായിരുന്നു.നേരത്തേ അദ്ദേഹത്തിന് അർബുദം സ്ഥിരീകരിച്ചിരുന്നു. പാകിസ്ഥാൻ മുസ്ലിം ലീഗ്-എൻ(പി.എം.എൽ-എൻ) പാർട്ടിയുടെ നേതാവാണ്. 2013 മുതൽ 2018 വരെ പാകിസ്ഥാന്റെ 12-ാം പ്രസിഡന്റായി സേവനമനുഷ്ഠിച്ചു. മുൻ പാക് പ്രധാനമന്ത്രി നവാസ് ഷരീഫിന്റെ അടുത്ത അനുയായിയായിരുന്നു. വിഭജന സമയത്ത് ആഗ്രയിൽ നിന്ന് കറാച്ചിയിലേക്ക് കുടിയേറിയവരാണ് ഹുസൈന്റെ മാതാപിതാക്കൾ. പാക് വിദേശകാര്യമന്ത്രി ഷാ മഹ്മദ് ഖുറേഷി അടക്കമുള്ളവർ അനുശോചനം അറിയിച്ചു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |