കാസർകോട് : പ്രതിപക്ഷ നേതാവ് വി.ഡി സതീശൻ ഇന്നലെ രാത്രി കൊല്ലൂർ ശ്രീ മൂകാംബിക ക്ഷേത്ര സന്നിധിയിൽ എത്തി.ഇന്ന് രാവിലെ അദ്ദേഹം മൂകാംബിക ക്ഷേത്രത്തിൽ ദർശനം നടത്തും.പ്രതിപക്ഷ നേതാവ് ആകുന്നതിനു മുമ്പ് തന്നെ കൊല്ലൂരിൽ പോകണമെന്ന് ആഗ്രഹിച്ചിരുന്നു. കൊവിഡ് കാരണം യാത്ര പലതവണ മാറ്റിവെക്കുകയായിരുന്നു. ചൂടു പിടിച്ച രാഷ്ട്രീയ യുദ്ധങ്ങൾക്കിടെയാണ് അമ്മയുടെ അനുഗ്രഹം തേടിയുള്ള യാത്ര ഇപ്പോൾ ഒത്തുവന്നത്.

കൊല്ലൂർ ക്ഷേത്രത്തിൽ അതിരാവിലെ പൂജകളും വഴിപാടും നടത്തിയ ശേഷം അദ്ദേഹം മടങ്ങും. ഇന്ന് രാവിലെ കാസർകോട് പ്രസ് ക്ലബിന്റെ മീറ്റ് ദി പ്രസിൽ പങ്കെടുത്ത ശേഷമാണ് നാട്ടിലേക്ക് തിരിച്ചു പോവുക. മൂകാംബിക ക്ഷേത്ര ദർശനത്തിനുള്ള യാത്രാമധ്യേ പ്രതിപക്ഷ നേതാവ്, കാസർകോട് എംപി രാജ്മോഹൻ ഉണ്ണിത്താനെ കാണാൻ എത്തി. എം.പിയുടെ ഐങ്ങോത്തുള്ള നിർമ്മൽ നഗറിലെ വീട്ടിലെത്തിയാണ് വി ഡി സതീശൻ ഉണ്ണിത്താനെ കണ്ടത്.