SignIn
Kerala Kaumudi Online
Friday, 29 March 2024 10.51 AM IST

തൊഴിൽ നൈപുണ്യശേഷി വികസനം; മൈക്രോസോഫ്റ്റുമായി ധാരണാപത്രത്തിൽ ഒപ്പിട്ട് ഐസിറ്റി അക്കാദമി ഒഫ് കേരള

ict

തിരുവനന്തപുരം: വിദ്യാർത്ഥികളുടെ സാങ്കേതിക വിദ്യയിലുള്ള കഴിവും അടിസ്ഥാനപരമായ ധാരണയും വിപുലമാക്കുന്നതിനായി ടെക്‌നോ പാർക്കിലെ ഐസിറ്റി അക്കാദമി ഓഫ് കേരള പ്രമുഖ ഐടി കമ്പനികളുമായി ധാരണാപത്രം ഒപ്പുവെച്ചു.

മെക്രോസോഫ്റ്റ്, യുഐ പാത്ത്, വിഎം വെയർ എന്നീ മൂന്ന് കമ്പനികളുമായാണ് സർക്കാർ പങ്കാളിത്തമുള്ള ഐസിറ്റി അക്കാദമി ധാരണയിലെത്തിയത്. തൊഴിൽ രംഗത്തെ മാറ്റങ്ങൾക്കനുസരിച്ച് തൊഴിൽ കണ്ടെത്താൻ വിദ്യാർത്ഥികളെ പ്രാപ്തരാക്കുകയെന്ന സാമൂഹിക പ്രതിബദ്ധതയുടെ ഭാഗമായാണ് ഇത്.

വ്യവസായിക മേഖലയിലെ സഹകരണ ശ്യംഖല വർദ്ധിപ്പിക്കുന്നതിന്റെ ഭാഗമായുള്ള പുതിയ പങ്കാളിത്തത്തിന്റെ നേട്ടം ഐസിറ്റി അക്കാദമിയിലെ വിദ്യാർത്ഥികളെ കൂടാതെ ഐസിറ്റിഎകെയുമായി സഹകരിച്ച് പ്രവർത്തിക്കുന്ന മുഴുവൻ എൻജിനീയറിംഗ്,ആർട്ട്സ്ആൻഡ് സയൻസ് കോളജുകളിലെ വിദ്യാർത്ഥികൾക്കും ലഭ്യമാകും. ഈ കമ്പനികളുമായുള്ള സഹകരണം ഉറപ്പാക്കുക വഴി വിദ്യാർത്ഥികൾക്ക് മികച്ച തൊഴിൽ സാദ്ധ്യത സൃഷ്ടിക്കാൻ കഴിയുമെന്ന് ഐസിറ്റി അക്കാദമി ഓഫ് കേരള സിഇഒ സന്തോഷ് ചന്ദ്രശേഖര കുറുപ്പ് അഭിപ്രായപ്പെട്ടു.

ഇൻഡസ്ട്രിയിലെ സഹകരണം വർദ്ധിപ്പിക്കുന്നതിന് തുടച്ചയായ അവസരങ്ങൾ ഐസിറ്റി അക്കാദമി തേടുകയാണെന്നും പുതിയ പങ്കാളിത്തം എല്ലാ പരിശീലന പരിപാടികളിലും വ്യാവസായിക അനുഭവം പകരുമെന്നും അദ്ദേഹം പറഞ്ഞു.

മൈക്രോസോഫ്‌റ്റുമായി സഹകരണം ഉറപ്പാക്കിയതോടെ വിദ്യാർത്ഥികൾക്ക് മെക്രോസോഫ്റ്റ് ലേണിങ് പദ്ധതി മുഖേനെ 1800 ൽ അധികം കോഴ്സുകളിലൂടെ വിദ്യാർത്ഥികൾക്ക് നൈപുണ്യ വികസനം ഉറപ്പുവരുത്തുവാനും അംഗീകൃത സർട്ടിഫിക്കറ്റുകൾ കരസ്ഥമാക്കുവാനും സാധിക്കും.

മെക്രോസോഫ്റ്റുമായുള്ള ധാരണാപ്രകാരം എന്റോൾ ചെയ്തിരിക്കുന്ന സ്ഥാപനങ്ങളിലെ ഫാക്കൽറ്റി അംഗങ്ങൾക്ക് സൗജന്യ പരിശീലനവും സർട്ടിഫിക്കേഷനും ഉറപ്പക്കാനാകും. പുതിയ പങ്കാളിത്തം വഴി ഐസിറ്റി അക്കാദമിയിലെയും ഐസിറ്റിഎകെയുമായി സഹകരിച്ച് പ്രവർത്തിക്കുന്ന എൻജിനീയറിംഗ്, ആർട്സ് ആൻഡ് സയൻസ് കോളജുകളിലെ വിദ്യാർത്ഥികൾക്കും സാങ്കേതികവിദ്യയിലെ മാറ്റങ്ങൾക്കനുസരിച്ച് നൈപുണ്യ ശേഷി വർദ്ധിപ്പിക്കാൻ ലിങ്ക്ഡ് ഇൻ ലേണിംഗ്, എംഎസ് ലേൺ, ഗിറ്റ്ഹബ് ലേണിംഗ് തുടങ്ങിയ പ്ലാറ്റ്‌ഫോമുകൾ പ്രയോജനപ്പെടുത്താം.

അർഹരായ വിദ്യാർത്ഥികൾക്ക് 90 ശതമാനം ഫീസിളവും ലഭ്യമാണ്. നിലവിൽ വിദ്യാർത്ഥികൾക്ക് സ്വയം പഠിക്കുന്നതിനായി ലിങ്ക്ഡ് ഇൻ ലേണിംഗ് സംവിധാനത്തിലൂടെ ഒട്ടനവധി കോഴ്സ് മെറ്റീരിയൽസും ടിസിഎസ് അയോണുമായി സഹകരിച്ച് വെർച്വൽ ഇന്റേൺഷിപ്പ് സൗകര്യവും ഐസിറ്റി അക്കാദമി നൽകുന്നുണ്ട്.

പ്രമുഖ റോബോട്ടിക് പ്രോസസ് ഓട്ടോമേഷൻ (ആർപിഎ) സോെഫ്റ്റ്‌വെയർ കമ്പനിയായ യുഐപാത്തുമായി സഹകരണം ഉറപ്പാക്കിയതോടെ യുഐപാത്ത് അക്കാദമിക് അലയൻസ് പതിപ്പ് വഴി ആർപിഎ സാങ്കേതികവിദ്യകൾ വിദ്യാർത്ഥികൾക്ക് പ്രയോജനപ്പെടുത്താനാകും. കൂടാതെ, ലോകമെമ്പാടുമുള്ള പ്രൊഫഷണലുകളുടെയും വിദഗ്ദ്ധരുടെയും കമ്മ്യൂണിറ്റിയിൽ പങ്കുചേരാനും അവസരം ലഭിക്കുമെന്നതും പ്രത്യേകതയാണ്. ഇതുവഴി മികച്ച ആർപിഎ പ്രൊഫഷണലാകാനും വിദ്യാർത്ഥികൾക്ക് കഴിയും.


ക്ലൗഡ് ഇൻഫ്രാസ്ട്രക്ചർ, ബിസിനസ് മൊബിലിറ്റി രംഗത്ത് പ്രവർത്തിക്കുന്ന മുൻനിര കമ്പനിയായ വിഎംവെയറുമായുള്ള കരാർ പ്രകാരം, വിഎംവെയർ ഐടി അക്കാദമി പ്രോഗ്രാമിന്റെ റീജിയണൽ അക്കാദമിയായിട്ടാകും ഐസിടി അക്കാദമി ഓഫ് കേരള പ്രവർത്തിക്കുക. ഇതിലൂടെ ഏറെ തൊഴിൽ സാധ്യതയുള്ള വിർച്വലൈസേഷൻ കൺസെപ്റ്റ്, നെറ്റ്‌വർക്ക് വിർച്വലൈസേഷൻ കൺസപ്റ്റ് തുടങ്ങിയ കോഴ്സുകളിലും വിദ്യാർത്ഥികൾക്ക് പരിശീലനം നേടാനാകുമെന്നും ഐസിറ്റി അക്കാദമി അറിയിച്ചു.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: ICT, MICROSOFT, UI PATH
KERALA KAUMUDI EPAPER
TRENDING IN KERALA
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.