SignIn
Kerala Kaumudi Online
Thursday, 28 March 2024 8.34 PM IST

183 - എ ദേശീയ പാത : വീണ്ടും പ്രതീക്ഷ

d

കടമ്പനാട് : ജില്ലയിലെ ആദ്യത്തെ ദേശീയ പാത 183 - എ വികസനത്തിന് വീണ്ടും കേന്ദ്രസർക്കാരിന്റെ പച്ചക്കൊടി. ഭാരത് മാലാ പദ്ധതിയിൽ ഉൾപ്പെടുത്തിയതാണ് റോഡ് വികസനത്തിൽ ജില്ലയ്ക്ക് പുതിയ പ്രതീക്ഷകൾ നൽകുന്നത്. റോഡ് വികസനത്തിനായി കൊല്ലം - മൂവാറ്റുപുഴ ഡിവിഷനുകൾ സംസ്ഥാന സർക്കാരിൽ നിന്ന് സ്ഥലമേറ്റെടുത്തതിന് ശേഷം കടമ്പനാട് മുതൽ - നെല്ലിമൂട്ടിൽ പടി വരെയുള്ള ഭാഗവും മുണ്ടക്കയം മുതൽ എരുമേലി വരെയുള്ള ഭാഗവും ബി.എം ആൻഡ് ബി.സി. നിലവാരത്തിൽ ടാർ ചെയ്തിരുന്നു. ഇതല്ലാതെ ദേശീയപാതാ വികസനവുമായി ബന്ധപ്പെട്ട് മറ്റ് നടപടികൾ നടന്നിരുന്നില്ല. ആന്റോ ആന്റണി എം.പിയുടെ ശക്തമായ സമ്മർദ്ദത്തിന്റെ ഫലമായാണ് ഇപ്പോൾ ഈ റോഡ് ഭാരത് മാലാ പദ്ധതിയിൽ ഉൾപ്പെടുത്താൻ കഴിഞ്ഞത്. 183 കൊല്ലം - തേനി ദേശീയ പാതയിൽ ശാസ്താംകോട്ട - ഭരണിക്കാവിൽ നിന്നാണ് 183 എ ദേശീയ പാത ആരംഭിക്കുന്നത്. . 116 കിലോമീറ്റർ ദൂരമാണ് 183. എ. ദേശീയ പാതയ്ക്കുള്ളത്. ഇലവുങ്കൽ മുതൽ പമ്പവരെയാണ് ലിങ്ക് റോഡ്. വനത്തിലൂടെ കടന്നുപോകുന്ന ഈ റോഡ് ആദ്യ ഘട്ടത്തിൽത്തന്നെ വികസിപ്പിക്കാനാണ് പദ്ധതി. ഭരണിക്കാവ് മുതൽ - മുണ്ടക്കയം വരെയും നാലുവരി പാതയാണ്. എന്നാൽ അടൂർ , കൈപ്പട്ടൂർ , ഓമല്ലൂർ, പത്തനംതിട്ട എന്നിവിടങ്ങളിൽ നാലുവരി പാതയ്ക്ക് സ്ഥലം ഏറ്റെടുക്കുവാൻ ബുദ്ധിമുട്ടാണെന്നാണ് സർവെ അധികൃതർ നൽകിയ റിപ്പോർട്ട് . ഇതിനാൽ ഈ ഭാഗങ്ങളിൽ ബൈ പാസ് നിർമ്മിക്കുന്നതിനെക്കുറിച്ചാണ് ഇപ്പോൾ ആലോചിക്കുന്നത്. കൈപ്പട്ടൂരിൽ അച്ചൻകോവിലാറ്റിൽ പുതിയ പാലവും പരിഗണിക്കുന്നു. സ്ഥലം ഏറ്റെടുപ്പാണ് പ്രധാന കടമ്പ .

പാത കടന്നുപോകുന്നത്

ഭരണിക്കാവ്, കടമ്പനാട്, നെല്ലിമുകൾ, മണക്കാല, അടൂർ , തട്ട, കൈപ്പട്ടൂർ , ഓമല്ലൂർ, പത്തനംതിട്ട , വഴി മൈലപ്ര, മണ്ണാറക്കുളഞ്ഞി , വടശേരിക്കര, പെരുനാട്, ളാഹ , പ്ലാപ്പള്ളി, ഇലവുങ്കൽ, നാറാണംതോട്, തുലാപ്പള്ളി, കണമല , മുക്കൂട്ടുതറ എരുമേലി, പേരൂർ തോട് വഴി മുണ്ടക്കയത്ത് എത്തും

116 കിലോമീറ്റർ

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: LOCAL NEWS, PATHANAMTHITTA
KERALA KAUMUDI EPAPER
TRENDING IN LOCAL
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.