ഒരു ചെടിയിൽ നിന്ന് ഒറ്റ പുഷ്പം മാത്രമുണ്ടാകുന്ന താമര നമ്മുടെ നാട്ടിലെ പ്രധാനപ്പെട്ട ഒരു ജലസസ്യമാണ്. പൂക്കൾ ഇളം ചുവപ്പോ വെള്ളയോ പിങ്കോ റോസോ നിറത്തിലായിരിക്കും. ഹാരം, ജെണ്ട്, പൂജ എന്നിവയ്ക്ക് വ്യാപകമായി ഉപയോഗിക്കുന്ന താമരയുടെ സസ്യകുടുംബം നിലംബോണേസിയേ ആണ്. ശാസ്ത്രനാമം നിലംബോ ന്യൂസിഫെറ. വളരെ ആഴത്തിൽ ചെളി അടിഞ്ഞു കൂടിയ പ്രദേശങ്ങളിൽ ഇന്ന് നന്നായി വളരും. ധാരാളം ജലാശയങ്ങളുള്ള നമ്മുടെ നാട് താമരകൃഷിക്ക് അനുയോജ്യമാണ്. ചെടിയുടെ ചുവട്ടിൽ വളരുന്ന കിഴങ്ങുകൾ നട്ടാണ് പുതിയ തൈകൾ ഉല്പാദിപ്പിക്കുന്നത്.
താമരയ്ക്ക് വളരെയേറെ ഔഷധമൂല്യവുമുണ്ട്. താമരപ്പൂ കഷായം ഏറെ പ്രസിദ്ധമാണ്. താമരപ്പൂ ദാഹശമിനിയായും വിഷ സംഹാരിയായും വേദനസംഹാരിയായും ഉപയോഗിക്കാറുണ്ട്. വസൂരി രോഗാവസ്ഥയിൽ താമരപ്പൂവ്, രക്തചന്ദനം, നെല്ലിക്ക ഇവ അരച്ചു പുരട്ടിയാൽ നീറ്റലും വേദനയും ശമിക്കും. താമരപ്പൂവ് അരച്ച് വെള്ളത്തിൽ കലക്കി കുടിക്കുന്നത് പാമ്പ് കടിക്കുള്ള ചികിത്സയിൽ ഏറെ പ്രധാനമാണ്. താമരപ്പൂവിന്റെ വിത്ത് പച്ചയ്ക്കോ വറുത്തോ പാചകം ചെയ്തോ ഉണക്കിയോ കഴിക്കാവുന്നതാണ്. വിത്ത് പൊടിച്ചുണ്ടാക്കുന്ന മാവ് ധാന്യമാവുകളെ പോലെ തന്നെ ഭക്ഷ്യയോഗ്യമാണ്.
വീട്ടുമുറ്റത്തെ മൈലാഞ്ചി ; അഴകിന് മാത്രമല്ല ഗുണങ്ങൾ ഏറെയാണ്
നേരിയ മണമുള്ള മൈലാഞ്ചി പൂക്കൾക്ക് പച്ചകലർന്ന വെള്ള നിറമാണ്. നഖത്തിന് നിറം കൊടുക്കാനും മുടിക്ക് കറുപ്പുണ്ടാകാനും പണ്ടുമുതലേ ഉപയോഗിച്ചുവരുന്ന ഒരു ചെടിയാണിത്. മഞ്ഞപ്പിത്തം, ത്വക്ക് രോഗങ്ങൾ, മുടികൊഴിച്ചിൽ എന്നിങ്ങനെ വിവിധ രോഗചികിത്സയിൽ ഇതിന്റെ സസ്യഭാഗങ്ങൾ ഉപയോഗിച്ചുവരുന്നു. ശാസ്ത്രനാമം ലാസോണിയ ഇനർമിസ് എന്നാണ്. സസ്യകുടുംബം ലിതറേസിയേ. മൈലാഞ്ചിയുടെ വേരും ഇലയും പൂവും കഷായമാക്കി കുടിച്ചാൽ മഞ്ഞപ്പിത്തത്തിന് ആശ്വാസമാകും. ഇല കഷായം ത്വക്ക് രോഗങ്ങൾക്ക് നല്ലതാണ്. മുടികൊഴിച്ചിൽ, കുഴിനഖം, പാദം വിണ്ടുകീറൽ എന്നിവയുടെ ചികിത്സയിൽ മൈലാഞ്ചി വ്യാപകമായി ഉപയോഗിച്ചുവരുന്നു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |