SignIn
Kerala Kaumudi Online
Monday, 27 September 2021 3.09 AM IST

കരുവന്നൂർ ബാങ്ക് തട്ടിപ്പ്; പ്രതികൾക്ക് സംസ്ഥാനത്ത് പലയിടത്തും നിക്ഷേപങ്ങളെന്ന് സൂചന, വീടുകളിൽ പരിശോധന നടത്തി ക്രൈം ബ്രാഞ്ച് സംഘം

karuvannoor

തൃശൂ‌ർ: കരുവന്നൂർ സഹകരണ ബാങ്ക് തട്ടിപ്പ് കേസിൽ പ്രതിയായവർക്ക് സംസ്ഥാനത്ത് പലയിടത്തും നിക്ഷേപങ്ങളും ചില കമ്പനികളിൽ പങ്കാളിത്തവുമുണ്ടെന്ന് സൂചന. കേസിൽ പ്രതികളായ റെജി അനിൽ കുമാർ, കിരൺ, ബിജു, കരീം, ബിജോയ് എ.കെ, ടി.ആർ സുനിൽ, സി.കെ ജിൽസ് എന്നിവരുടെ വീടുകളിൽ ക്രൈം ബ്രാഞ്ച് സംഘം അന്വേഷണം നടത്തുകയാണ്. പ്രതികളുടെ ഇരിങ്ങാലക്കുട, കൊരുമ്പിശേരി, പൊറത്തിശേരി എന്നിവിടങ്ങളിലെ വീടുകളിലാണ് ആറ് സംഘങ്ങളായി തിരിഞ്ഞ് ക്രൈം ബ്രാഞ്ച് സംഘം പരിശോധിക്കുന്നത്.

ഇരിങ്ങാലക്കുടയിൽ രജിസ്‌റ്റർ ചെയ്‌ത നാല് സ്വകാര്യ കമ്പനികളിലും അന്വേഷണം നടത്തിയേക്കും. പെസോ ഇൻഫ്രാസ്‌ട്രക്‌ചേഴ്‌സ്, സിസിഎം, തേക്കടി റിസോർട്ട്, മൂന്നാർ ലക്‌സ് വേ ഹോട്ടൽസ് എന്നിവിടങ്ങളിൽ പ്രതികൾക്ക് പങ്കാളിത്തമുണ്ടെന്നാണ് വിവരം. ഇവയുടെ രേഖകൾ കണ്ടെത്താനാണ് ക്രൈം ബ്രാഞ്ച് അന്വേഷണം. പ്രതികളുടെ കുടുംബാംഗങ്ങളിൽ നിന്നും ക്രൈം ബ്രാഞ്ച് വിവരങ്ങൾ ശേഖരിച്ചു.

കേസിൽ പ്രതികളായ പാർട്ടി അംഗങ്ങൾക്കെതിരെ നടപടിയെടുക്കുന്നത് ചർച്ച ചെയ്യാൻ സിപിഎം തൃശൂർ ജില്ലാ സെക്രട്ടറിയേറ്റ് യോഗം ചേരുകയാണ്. പാർട്ടി സംസ്ഥാന ആക്‌ടിംഗ് സെക്രട്ടറി എ.വിജയരാഘവന്റെ സാന്നിദ്ധ്യത്തിലാണ് യോഗം. പ്രതികളെ പാർട്ടി അംഗത്വത്തിൽ നിന്ന് പുറത്താക്കിയേക്കും.

കേസ് അന്വേഷിക്കുന്ന ക്രൈം ബ്രാഞ്ച് അന്വേഷണ സംഘം ബാങ്ക് ഭരണസമിതി അംഗങ്ങളിൽ നിന്ന് മൊഴിയെടുക്കും. തൃശൂർ ക്രൈംബ്രാഞ്ച് ഓഫീസിൽ വച്ച് അൽപസമയത്തിനകം ബാങ്ക് ഡയറക്‌ടർമാരിൽ നിന്നുള‌ള മൊഴിയെടുക്കുമെന്നാണ് വിവരം.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: KARUVANNUR, BANKFRAUD, CRIME BRANCH, SEARCH
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.