കൊച്ചി: സീറോമലബാർ സഭയിലെ മുത്തശി, മുത്തച്ഛന്മാർക്കും മുതിർന്നവർക്കുമായുള്ള ആഗോള ദിനം മേജർ ആർച്ച് ബിഷപ്പ് കർദിനാൾ ജോർജ് ആലഞ്ചേരി ഉദ്ഘാടനം ചെയ്തു. കുടുംബത്തിനും അൽമായർക്കും ജീവനും വേണ്ടിയുള്ള സിനഡ് കമ്മിഷന്റെ ചെയർമാൻ ജോസഫ് കല്ലറങ്ങാട്ട് അദ്ധ്യക്ഷത വഹിച്ചു. കമ്മിഷൻ അംഗവും കാഞ്ഞിരപ്പിള്ളി രൂപതാദ്ധ്യക്ഷനുമായ ജോസ് പുളിക്കൽ അനുഗ്രഹപ്രഭാഷണം നടത്തി. ഫാ. ജോസഫ് പുത്തൻപുരക്കൽ കപ്പൂച്ചിൻ മുഖ്യപ്രഭാഷണം നടത്തി. കമ്മിഷൻ ജനറൽ സെക്രട്ടറി ഫാ. ആന്റണി മൂലയിൽ, ഫാ. ഫിലിപ്പ് വട്ടയത്തിൽ, മുത്തശി, മുത്തച്ഛന്മാരുടെ പ്രതിനിധികൾ, ദമ്പതികൾ തുടങ്ങിയവർ ഓൺലൈൻ യോഗത്തിൽ പങ്കെടുത്തു. ഫ്രാൻസിസ് മാർപ്പാപ്പയുടെ ആഹ്വാന പ്രകാരമാണ് ദിനാചരണം.