കൊച്ചി: കൊവിഡ് വാക്‌സിനെടുത്തവർക്ക് കുറഞ്ഞ പലിശനിരക്കിൽ സ്വർണപ്പണയ വായ്‌പാ വാഗ്‌ദാനവുമായി ബാങ്കിതര ധനകാര്യ സ്ഥാപനമായ ഇൻഡൽ മണി. ഇൻഡൽ ഫൈറ്റ്‌സ് എഗൈൻസ്‌റ്റ് കൊവിഡ് (ഐ.എഫ്.സി) എന്ന പുത്തൻ സ്‌കീം പ്രകാരം 11.5 ശതമാനം പലിശനിരക്കിൽ സ്വർണപ്പണയ വായ്പ ലഭിക്കും. ഒറ്റ ഡോസ് വാക്‌സിനെങ്കിലും എടുത്തവരാണ് അർഹർ. ഒരുവർഷമാണ് വായ്‌പാ കാലാവധി. ഇൻഡൽ മണിയുടെ എല്ലാ ശാഖകളിലും വായ്‌പ ലഭ്യമാണെന്ന് എക്‌സിക്യൂട്ടീവ് ഡയറക്‌ടറും സി.ഇ.ഒയുമായ ഉമേഷ് മോഹനൻ പറഞ്ഞു.