തിരുവനന്തപുരം: എം.ബി.എ, ത്രിവത്സര- പഞ്ചവത്സര എൽ എൽ.ബി കോഴ്സുകളിൽ പ്രവേശനത്തിന് ഇന്നുകൂടി ഓൺലൈനായി അപേക്ഷിക്കാമെന്ന് എൻട്രൻസ് കമ്മിഷണർ അറിയിച്ചു. അപേക്ഷിച്ചവർക്ക് സർട്ടിഫിക്കറ്റുകളും രേഖകളും അപ്ലോഡ് ചെയ്യാൻ ആഗസ്റ്റ് അഞ്ചിന് വൈകിട്ട് നാലുവരെ സമയം അനുവദിക്കും. ഹെൽപ്പ് ലൈൻ- 0471-2525300
അപേക്ഷ തീയതി നീട്ടി
തിരുവനന്തപുരം: സംസ്ഥാന ടൂറിസം വകുപ്പിന്റെ മാനേജ്മെന്റ് ഇൻസ്റ്റിറ്റ്യൂട്ടായ കിറ്റ്സിൽ കേരള സർവകലാശാലയുടെ കീഴിൽ എ.ഐ.സി.ടി.ഇയുടെ അംഗീകാരത്തോടെ നടത്തുന്ന ദ്വിവത്സര (ട്രാവൽ ആൻഡ് ടൂറിസം) കോഴ്സിന് 31വരെ അപേക്ഷിക്കാം. 50ശതമാനം മാർക്കോടെ ഡിഗ്രിയും കെ.എം.എ.ടി/സി.എം.എ.ടി യോഗ്യതയുള്ളവർക്കും അവസാന വർഷ ബിരുദ വിദ്യാർത്ഥികൾക്കും അപേക്ഷിക്കാം. കൂടുതൽ വിവരങ്ങൾക്ക് www.kittsedu.org,9446529467,04712327707.
പരീക്ഷാ കേന്ദ്രത്തിൽ മാറ്റം
തിരുവനന്തപുരം: എൻജിനിയറിംഗ്, ഫാർമസി പ്രവേശന പരീക്ഷയ്ക്ക് എറണാകുളം എസ്.ആർ.വി ഗവ. മോഡൽ എച്ച്.എസ്.എസ് ആൻഡ് വി.എച്ച്.എസ്.എസ് പരീക്ഷാ കേന്ദ്രമായി ലഭിച്ചവർ കച്ചേരിപ്പടിയിലെ സെന്റ് ആന്റണീസ് എച്ച്.എസ്.എസിൽ പരീക്ഷയെഴുതണം. പുതിയ അഡ്മിറ്ര് കാർഡ് www.cee.kerala.gov.in ൽ നിന്ന് ഡൗൺലോഡ് ചെയ്യണമെന്ന് എൻട്രൻസ് കമ്മിഷണർ അറിയിച്ചു. ഹെൽപ്പ് ലൈൻ- 0471-2525300
എൻ.ആർ.ഐ സീറ്റൊഴിവ്
തിരുവനന്തപുരം: ശ്രീചിത്തിര തിരുനാൾ കോളേജ് ഓഫ് എൻജിനിയിറിംഗിൽ 2021-22ലെ ബി,ടെക് എൻ.ആർ.ഐ സീറ്റുകളിൽ പ്രവേശനത്തിന് അപേക്ഷ ക്ഷണിക്കുന്നു. www.sctce.ac.in വഴി അപേക്ഷകൾ ഓഗസ്റ്റ് 8ന് മുമ്പ് സമർപ്പിക്കണം.ഫോൺ:9495565772.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |