SignIn
Kerala Kaumudi Online
Tuesday, 21 September 2021 4.19 AM IST

ഒളിമ്പിക്സ് തോൽവിക്കു പിറകേ മണിക ബത്രയെ കാത്ത് അച്ചടക്ക നടപടി, മുഖ്യ പരിശീലകനെ അപമാനിച്ചുവെന്ന് ഫെഡറേഷൻ

manika

ന്യൂഡൽഹി: ഒളിമ്പിക്സിൽ ദേശീയ പരിശീലകന്റെ സേവനം നിരസിച്ച ടേബിൾ ടെന്നിസ് താരം മണിക ബത്രക്കെതിരെ അച്ചടക്ക നടപടിയെടുക്കാൻ ടേബിൾ ടെന്നിസ് ഫെഡറേഷൻ ആലോചിക്കുന്നു. ഒളിമ്പിക്സ് ടീമിന്റെ മുഖ്യപരിശീലകനായ സൗമ്യദീപ് റോയിയുടെ സേവനം നിരസിച്ചതുവഴി ഗുരുതരമായ അച്ചടക്ക ലംഘനമാണ് മണിക നടത്തിയിരിക്കുന്നതെന്നാണ് ടേബിൾ ടെന്നിസ് ഫെഡറേഷന്റെ പ്രാഥമിക വിലയിരുത്തൽ.

സ്വന്തം പരിശീലകൻ സന്‍മയ് പരഞ്ച്പേയിക്ക് സ്റ്റേഡിയത്തിൽ കയറാനുള്ള അനുവാദം നൽകാത്തതിൽ പ്രതിഷേധിച്ചാണ് മണിക സൗമ്യദീപ് റോയിയുടെ സേവനം അവഗണിച്ചത്. അര്‍ജുന അവാര്‍ഡ് ജേതാവ് കൂടിയായ സൗമ്യജിത്ത് റോയിയോടുള്ള ഈ സമീപനം അംഗീകരിക്കാൻ സാധിക്കില്ലെന്നാണ് ഫെഡറേഷൻ നിലപാട്. അടുത്ത മാസം ചേരുന്ന ടേബിൾ ടെന്നിസ് ഫെഡറേഷന്റെ എക്‌സിക്യുട്ടീവ് കമ്മിറ്റി ഈ വിഷയം ചർച്ച ചെയ്ത് താരത്തിനെതിരെ എന്ത് നടപടി എടുക്കണമെന്ന് തീരുമാനിക്കും. ടോക്കിയോയിലേക്കുള്ള ഇന്ത്യന്‍ സംഘത്തോടൊപ്പം തന്റെ സ്വന്തം പരിശീലകന്‍ സന്‍മയ് പരഞ്ച്പേയിയേയും ഉള്‍പ്പെടുത്തണമെന്നായിരുന്നു മണികയുടെ ആവശ്യം. എന്നാല്‍ കൊവിഡ് നിയന്ത്രണങ്ങളുടെ പശ്ചാത്തലത്തില്‍ ഇത് അംഗീകരിച്ചിരുന്നില്ല. തുടര്‍ന്ന് സന്‍മയ് സ്വന്തം നിലക്ക് ടോക്കിയോയിലെത്തി സ്വകാര്യ ഹോട്ടലില്‍ തങ്ങുകയായിരുന്നു.

മൂന്നാം റൗണ്ടിൽ ഓസ്‌ട്രിയയുടെ ലോക 17-ാം നമ്പര്‍ താരം സോഫിയ പൊള്‍ക്കനോവയോട് 11-8, 11-2, 11-5, 11-7 എന്ന സ്കോറിന് തോറ്റ മണിക ഒളിമ്പിക്സിൽ നിന്ന് പുറത്തായിരുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, SPORTS, TOKYO 2020, MANIKA BATRA, OLYMPICS, TABLE TENNIS FEDERATION
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.