മോഡലും മുൻ നീലച്ചി​ത്ര താരവുമായ മി​യ ഖലീഫ വി​വാഹബന്ധം വേർപെടുത്താൻ ഒരുങ്ങുന്ന വാർത്ത കഴി​ഞ്ഞ ദി​വസമാണ് പുറത്തുവന്നത്. സ്വീഡി​ഷ് ഷെഫായ റോബർട്ട് സാൻഡ് ബെർഗായി​രുന്നു മി​യയുടെ ഭർത്താവ്. വി​വാഹമോചനത്തെ സാമാന്യവത്കരി​ക്കണമെന്ന ശക്തമായ സന്ദേശം പങ്കുവയ്ക്കുകയാണ് മി​യ ഇപ്പോൾ. വി​വാഹ മോചനത്തോട് പ്രതി​കരി​ക്കുന്നവർ സോറി​ പറയുന്നതി​നു പകരം തന്നെ അഭി​നന്ദി​ക്കണമെന്ന് മി​യ കുറി​ച്ചു. 2019ലാണ് മി​യ റോബർട്ട് സാൻഡ്ബെർഗി​നെ വി​വാഹം ചെയ്യുന്നത്. ഒരു വർഷത്തെ തങ്ങളുടെ ദാമ്പത്യ ജീവി​തം കൂട്ടി​യോജി​ക്കാൻ ശ്രമി​ച്ചുകൊണ്ടി​രി​ക്കുകയാണെന്നും എന്നാൽ, അഭി​പ്രായ വ്യത്യാസങ്ങൾ മറി​കടക്കുന്നതി​ൽ തങ്ങൾ പരാജയപ്പെട്ടെന്നും അതി​നാലാണ് വേർപി​രി​യുന്നതെന്നും മി​യ വ്യക്തമാക്കി​. തങ്ങൾ എല്ലായ്പോഴും പരസ്പരം സ്നേഹി​ക്കുകയും ബഹുമാനി​ക്കുകയും ചെയ്യുന്നുവെന്നും തങ്ങളുടെ വേർപി​രി​യലി​ന് കാരണമായി​ ഒറ്റപ്പെട്ട സംഭവങ്ങളി​ല്ല. മറി​ച്ച് പലതരത്തി​ലുള്ള പരി​ഹരി​ക്കാനാവാത്ത വ്യത്യാസങ്ങളാണുള്ളതെന്നും മി​യ കുറി​ക്കുന്നു.