ന്യൂഡൽഹി: ബാഡ്മിന്റണിൽ ആദ്യ അന്താരാഷ്ട്ര കിരീടം നേടിയ ഇന്ത്യൻ താരമായ നന്ദു നടേക്കർ അന്തരിച്ചു. വാർദ്ധക്യസഹജമായ അസുഖങ്ങളെത്തുടർന്ന് പുനെയിലെ വസതിയിലായിരുന്നു അന്ത്യം.
1956-ൽ മലേഷ്യയിൽ നടന്ന സെല്ലാഞ്ചർ ഇന്റർനാഷണൽ കിരീടം നേടിയതാണ് നടേക്കറുടെ ശ്രദ്ധേയനേട്ടം. 1954-ൽ നടന്ന ആൾ ഇംഗ്ലണ്ട് ചാമ്പ്യൻഷിപ്പിന്റെ ക്വാർട്ടർ ഫൈനലിലെത്തിയിരുന്നു. കരിയറിൽനൂറോളം ദേശീയ-അന്തർ ദേശീയ കിരീടങ്ങൾ നേടിയിട്ടുള്ള നടേക്കർ ലോക റാങ്കിംഗിൽ മൂന്നാം സ്ഥാനത്തെത്തുകയും ചെയ്തിരുന്നു.
1951-63 കാലഘട്ടത്തിൽ തോമസ് കപ്പിൽ ഇന്ത്യൻ ടീമിന്റെ ഭാഗമായിരുന്നു.
16 സിംഗിൾസ് മത്സരങ്ങളിൽ 12-ലും 16 ഡബിൾസ് മത്സരങ്ങളിൽ എട്ടിലും ജയം സ്വന്തമാക്കിയിട്ടുണ്ട്. 1959, 1961, 1963 എന്നീ വർഷങ്ങളിൽ ടൂർണമെന്റിൽ ഇന്ത്യൻ ക്യാപ്ടനായിരുന്നു.
1961-ൽ അർജുന അവാർഡ് സ്വന്തമാക്കി.
1965-ൽ ജമൈക്കയിൽ നടന്ന കോമൺവെൽത്ത് ഗെയിംസിൽ ഇന്ത്യയെ പ്രതിനിധീകരിച്ചു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |