SignIn
Kerala Kaumudi Online
Monday, 20 September 2021 11.20 PM IST

ട്വിറ്ററിൽ ഏഴ് കോടി ഫോളോവേഴ്സുമായി മോദി, ഏറ്റവും കൂടുതൽ പേർ പിന്തുടരുന്ന ലോകനേതാവ് ഇനി മുതൽ ഇന്ത്യൻ പ്രധാനമന്ത്രി

modi

ന്യൂഡൽഹി: ഇന്ത്യൻ പ്രധാനമന്ത്രി നരേന്ദ്രമോദിയുടെ ട്വിറ്റർ അക്കൗണ്ടിലെ ഫോളോവേഴ്സ് ഏഴ് കോടി കടന്നു. ട്വിറ്ററിൽ ഏറ്റവും കൂടുതൽ ആളുകൾ ഫോളോ ചെയ്യുന്ന ലോകനേതാവാണ് മോദി ഇപ്പോൾ. കത്തോലിക്കാ സഭയുടെ പോപ്പ് ഫ്രാൻസിസ് ആണ് മോദിയ്ക്കു ശേഷം രണ്ടാം സ്ഥാനത്തുള്ളത്. 5.3 കോടി ഫോളോവേഴ്സ് ആണ് പോപ്പിനുള്ളത്. 2009ൽ ഗുജറാത്ത് മുഖ്യമന്ത്രിയായിരുന്ന സമയത്താണ് മോദി ട്വിറ്റർ അക്കൗണ്ട് തുടങ്ങുന്നത്. ഒരു വർഷത്തിനു ശേഷം, 2010ൽ, ഒരു ലക്ഷം പേർ അദ്ദേഹത്തിന്റെ അക്കൗണ്ട് ഫോളോ ചെയ്യാൻ ആരംഭിച്ചു. കഴിഞ്ഞ വർഷം ജൂലായിലാണ് അദ്ദേഹത്തിന്റെ അക്കൗണ്ടിൽ ആറ് കോടി ഫോളോവേഴ്സ് ആയത്. കഴിഞ്ഞ ഒരു വർഷം കൊണ്ട് ഒരു കോടി പുതിയ ഫോളോവേഴ്സിനെയാണ് മോദിക്ക് ട്വിറ്ററിൽ ലഭിച്ചിരിക്കുന്നത്.

ഇതിനു മുമ്പ് മുൻ അമേരിക്കൻ പ്രസിഡന്റ് ഡൊണാൾഡ് ട്രംപിനായിരുന്നു ലോകനേതാക്കന്മാരിൽ വച്ച് ഏറ്റവും കൂടുതൽ ഫോളോവേഴ്സ് ഉണ്ടായിരുന്നത്. 8.87 കോടി ഫോളോവേഴ്സ് ഉണ്ടായിരുന്ന അദ്ദേഹത്തിന്റെ അക്കൗണ്ട് ട്വിറ്റർ തന്നെ പൂട്ടിക്കുകയായിരുന്നു.

അതേസമയം കൊവിഡ് മഹാമാരിയെ നിയന്ത്രിക്കുന്നതിന് രാജ്യത്തെ സർക്കാരിനോടൊപ്പം സഹകരിക്കണമെന്ന് പ്രധാനമന്ത്രി വിവിധ മതനേതാക്കന്മാരോട് അഭ്യർത്ഥിച്ചു. രാജ്യത്തെ പല സ്ഥലങ്ങളിലും ഇപ്പോഴും വാക്സിൻ എടുക്കുന്നതിൽ ജനങ്ങൾ വിമുഖത കാണിക്കുന്നുണ്ടെന്നും ഇതിനെ മറിക്കടക്കാൻ മതനേതാക്കന്മാർക്ക് സാധിക്കുമെന്നും പ്രധാനമന്ത്രി അഭിപ്രായപ്പെട്ടു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS
KERALA KAUMUDI EPAPER
VIDEOS
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.