SignIn
Kerala Kaumudi Online
Saturday, 20 April 2024 3.32 AM IST

ആറ് കോടി കണ്ട് കണ്ണ് മഞ്ഞളിച്ചില്ല, പകരം വാക്ക് പാലിച്ചു; അന്ന് സത്യസന്ധത കാട്ടിയ സ്മിജ ഇനി ലക്ഷാധിപതി

smija

പിറവം: ആറുകോടി രൂപയുടെ ലോട്ടറിയടിച്ച ടിക്കറ്റ് ഫോണിലൂടെ പറഞ്ഞുറപ്പിച്ചയാൾക്ക് നൽകിയ സ്മിജയെ മലയാളികൾ മറന്നുകാണില്ല. പണത്തിന് മുന്നിൽ കണ്ണ് മഞ്ഞളിക്കാതെ വാക്ക് പാലിച്ച സ്മിജ ഇനി ലക്ഷാധിപതിയാണ്. 51 ലക്ഷം രൂപയാണ് കമ്മിഷനായി കിട്ടിയത്. ചെക്ക് ഫോർച്യൂൺ ലോട്ടറീസ് ഉടമ ശശിബാലനും ഭാര്യ സൈനയും സ്മിജയ്ക്ക് കൈമാറി.

സൈനയുടെ ഉടമസ്ഥതയിലുള്ള ഭാഗ്യലക്ഷ്മി ഏജൻസിയിൽ നിന്നാണ് സ്മിജ ആറ് കോടിയുടെ സമ്മർ ബംബർ ടിക്കറ്റുകൾ വാങ്ങി വിറ്റത്. ലോട്ടറി മൊത്തവിൽപ്പന ഏജൻസികളായ ശശിബാലനും സൈനയ്ക്കും കമ്മിഷനായി അറുപത് ലക്ഷമാണ് ലഭിച്ചത്. ഇതിൽ നികുതി കഴിച്ച് 51 ലക്ഷമാണ് സ്മിജയ്ക്ക് നൽകിയത്.

ചക്കംകുളങ്ങര പാലച്ചോട്ടിൽ പി കെ ചന്ദ്രനെത്തേടിയാണ് ആറു കോടിയെത്തിയത്.സ്ഥിരമായി ടിക്കറ്റെടുക്കുന്ന ചന്ദ്രനോട് ഒരു ടിക്കറ്റെങ്കിലുമെടുത്ത് സഹായിക്കാൻ സ്മിജ ഫോണിൽ ആവശ്യപ്പെടുകയായിരുന്നു. ഫോണിലൂടെ നമ്പറുകൾ ചോദിച്ചറിഞ്ഞ ചന്ദ്രൻ ടിക്കറ്റ് തിരഞ്ഞെടുത്തു. ചന്ദ്രനു വേണ്ടി കൈവശം സൂക്ഷിച്ചിരിക്കുന്ന ടിക്കറ്റിനാണ് ഒന്നാം സമ്മാനമെന്ന് സ്മിജ അറിഞ്ഞതിന് പിന്നാലെ അത് കൈമാറുകയായിരുന്നു.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: LOTTERY, SMIJA
KERALA KAUMUDI EPAPER
TRENDING IN LIFESTYLE
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.