മൂവാറ്റുപുഴ: എസ്.എസ്.എൽ.സി പരീക്ഷയിൽ ഉന്നതവിജയം നേടിയവരെ മാനാറി ഭാവന ലൈബ്രറിയുടെ ആഭിമുഖ്യത്തിൽ ആദരിക്കുകയും ബിനു ടി.കുന്നപ്പിള്ളി കാഷ് അവാർഡും ട്രോഫിയും പഠനോപകരണങ്ങളും നൽകുകയും ചെയ്തു. ലൈബ്രറിഹാളിൽ നടന്ന ചടങ്ങ് ജില്ലാ ലൈബ്രറി കൗൺസിൽ പ്രസിഡന്റ് പി.കെ. സോമൻ ഉദ്ഘാടനം ചെയ്തു. വിജയികൾക്ക് കാഷ് അവാർഡും ട്രോഫിയും വിതരണംചെയ്തു. ലൈബ്രറി പ്രസിഡന്റ് കെ.എം. രാജമോഹനൻ അദ്ധ്യക്ഷത വഹിച്ചു. താലൂക്ക് ലൈബ്രറി കൗൺസിൽ സെക്രട്ടറി സി.കെ. ഉണ്ണി ബിനു ടി.കുന്നപ്പിള്ളി അനുസ്മരണ പ്രഭാഷണം നടത്തി. മെമ്പർ ജയശ്രീ ശ്രീധരൻ പഠനോപകരണങ്ങൾ വിതരണം നടത്തി. ലൈബ്രറി സെക്രട്ടറി പി.എം. ഷമീർ, കമ്മിറ്റി മെമ്പർ കെ.വി. വിഷ്ണു എന്നിവർ സംസാരിച്ചു. എസ്.എസ്.എൽ.സിക്ക് ഫുൾ എപ്ലസ് വാങ്ങിയവരും 9 എപ്ലസ് വാങ്ങിയവരുമായ എട്ട് കുട്ടികൾക്ക് കാഷ് അവാർഡും ട്രോഫിയും പഠനോപകരണങ്ങളും നൽകി.