ഓണക്കിറ്റുമായി ബന്ധപ്പെട്ട് സർക്കാരിനെതിരെ പരിഹാസവുമായി ശ്രീജിത്ത് പണിക്കർ രംഗത്ത്. നടൻ മണിയൻപിള്ള രാജുവിന്റെ വീട്ടിൽ ഭക്ഷ്യവകുപ്പ് മന്ത്രി ജി ആർ അനിൽ നേരിട്ടെത്തി കിറ്റ് കൊടുത്തത് സൂചിപ്പിച്ചുകൊണ്ടാണ് ശ്രീജിത്തിന്റെ ഫേസ്ബുക്ക് കുറിപ്പ്.

ഫേസ്ബുക്ക് പോസ്റ്റിന്റെ പൂർണരൂപം-

ഒരു മാസം മുൻപ്, ചട്ടവിരുദ്ധമായി, പെരുമ്പാമ്പിനെ സഞ്ചിയിലാക്കി കണ്ണൂർ ഗസ്റ്റ്ഹൗസിൽ കൊണ്ടുവന്ന് മന്ത്രി എ കെ ശശീന്ദ്രനെ കാണിച്ചതായി വാർത്ത വന്നിരുന്നു.

ഇന്നിതാ, ചട്ടവിരുദ്ധമായി, ഭക്ഷ്യവസ്തുക്കൾ സഞ്ചിയിലാക്കി മന്ത്രി ജി ആർ അനിൽ നടൻ മണിയൻപിള്ള രാജുവിന്റെ വീട്ടിലെത്തി നൽകി എന്നും വാർത്ത വന്നു.

എനിക്ക് ഒന്നേ പറയാനുള്ളൂ; സഞ്ചി മാറിപ്പോകരുത്!