അടിമാലി: കടബാദ്ധ്യതയെ തുടർന്ന് രണ്ട് വ്യാപാരികൾ കൂടി ജീവനൊടുക്കി. അടിമാലി സേനാപതി പള്ളിക്കുന്നിൽ പലചരക്ക് കട നടത്തിയിരുന്ന കുഴിയമ്പാട്ട് ദാമോദരൻ (60) കടയ്ക്കുള്ളിൽ വിഷം കഴിച്ചും ഒറ്റപ്പാലത്ത് പച്ചക്കറി വ്യാപാരിയായ പനമണ്ണ തളിയൻ തൊടി വീട്ടിൽ അലവി (37) വീട്ടിൽ കെട്ടിത്തൂങ്ങിയുമാണ് ജീവനൊടുക്കിയത്.

വർഷങ്ങളായി പള്ളിക്കുന്ന് ടൗണിൽ പലചരക്ക് കടയും ഒപ്പം കോഴിക്കടയും നടത്തുകയായിരുന്നു ദാമോദരൻ. ബുധനാഴ്ച രാവിലെ 11ന് കടയിലെത്തിയ ദാമോദരൻ പിന്നിലെ വാതിൽ തുറന്ന് അകത്ത് കയറി. വൈകിട്ട് അഞ്ചായിട്ടും മുൻവശത്തെ ഷട്ടർ തുറന്നുകാണാതിരുന്നതിനെ തുടർന്ന് സമീപവാസികൾ അന്വേഷിച്ചു. മൊബൈൽ ഫോണിലേക്ക് വിളിച്ചെങ്കിലും കാൾ എടുക്കാതിരുന്നതിനെ തുടർന്ന് വാതിൽ തുറന്ന് നോക്കിയപ്പോൾ കോഴികളെ സൂക്ഷിക്കുന്ന ഭാഗത്ത് വിഷം ഉള്ളിൽച്ചെന്ന് അവശനിലയിൽ കിടക്കുന്നതാണ് കണ്ടത്. തൂക്കുപാലത്തെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

അഞ്ച് ലക്ഷത്തിലധികം രൂപയുടെ ബാദ്ധ്യതയുള്ളതായി പറയപ്പെടുന്നു. പലരോടും പണം കടം ചോദിച്ചിരുന്നു. ലോക്ക്‌ഡൗണിൽ കച്ചവടം കുറഞ്ഞതിനെ തുടർന്ന് കടം പെരുകിയതായാണ് വിവരം. ശാന്തൻപാറ പൊലീസ് മേൽനടപടികൾ സ്വീകരിച്ചു. പോസ്റ്റുമോർട്ടത്തിന് ശേഷം മൃതദേഹം വീട്ടുവളപ്പിൽ സംസ്‌കരിക്കും. ഭാര്യ: ആനന്ദവല്ലി വാഗമൺ പഴമ്പിള്ളിൽ കുടുംബാംഗമാണ്. മക്കൾ: ആദർശ്, അഖില. മരുമകൻ: മഹേഷ്.

ഈ ലോക്ക് ഡൗണിൽ ഇടുക്കിയിൽ മരിക്കുന്ന രണ്ടാമത്തെ വ്യാപാരിയാണ് ദാമോദരൻ. രണ്ടാഴ്ച മുമ്പാണ് അടിമാലിയിൽ ബേക്കറിയുടമ വിനോദ് കടബാദ്ധ്യതയെ തുടർന്ന് കടയിൽ തൂങ്ങിമരിച്ചത്.

ഒറ്റപ്പാലത്ത് കോതകുറിശ്ശി സെന്ററിൽ ഏറെക്കാലമായി പച്ചക്കറി വ്യാപാരം നടത്തുകയായിരുന്ന അലവിയെ ഇന്നലെ വീട്ടിൽ തൂങ്ങി മരിച്ച നിലയിൽ കണ്ടെത്തുകയായിരുന്നു. വ്യാപാരി വ്യവസായി സംഘടനാ നേതാവ് കൂടിയായ അലവി വലിയ സാമ്പത്തിക ബാദ്ധ്യതയെ തുടർന്നാണ് ജീവനൊടുക്കിയതെന്ന് വ്യാപാരികൾ പറഞ്ഞു. ഭാര്യ: ഫർസീന. മകൾ: ഇസ്രത്ത്.

ര​ണ്ട് ​ഓ​ട്ടോ ഡ്രൈ​വ​ർ​മാ​‌​രും​ ​ജീ​വ​നൊ​ടു​ക്കി

കോ​ഴി​ക്കോ​ട് ​/​ ​വ​ട​ക​ര​:​ ​കൊ​വി​ഡ് ​പ്ര​തി​സ​ന്ധി​യി​ൽ​ ​വ​ന്നു​പെ​ട്ട​ ​ക​ട​ബാ​ദ്ധ്യ​ത​യി​ൽ​ ​മ​നം​നൊ​ന്ത് ​ര​ണ്ട് ​ഓ​ട്ടോ​റി​ക്ഷാ​ ​ഡ്രൈ​വ​ർ​മാ​ർ​ ​ജീ​വ​നൊ​ടു​ക്കി.​ ​അ​ത്തോ​ളി​ ​കൂ​മു​ള്ളി​ ​കോ​ത​ങ്ക​ലി​ൽ​ ​കോ​ത​ങ്ക​ൽ​ ​പി​ലാ​ച്ചേ​രി​ ​മ​നോ​ജ് ​(52​),​ ​വ​ട​ക​ര​ ​ന​ട​ക്കു​താ​ഴ​ ​ഹ​രീ​ഷ് ​ബാ​ബു​ ​(59​)​ ​എ​ന്നി​വ​രാ​ണ് ​കെ​ട്ടി​ത്തൂ​ങ്ങി​ ​മ​രി​ച്ച​ത്.
വീ​ടി​നോ​ട് ​ചേ​ർ​ന്നു​ള്ള​ ​ചാ​യ്പി​ലാ​ണ് ​മ​നോ​ജി​നെ​ ​തൂ​ങ്ങി​ ​മ​രി​ച്ച​ ​നി​ല​യി​ൽ​ ​ക​ണ്ട​ത്.​ ​നേ​ര​ത്തെ​ ​കോ​ഴി​ക്കോ​ട് ​-​ ​ഉ​ള്ള്യേ​രി​ ​റൂ​ട്ടി​ലെ​ ​സ്വ​കാ​ര്യ​ ​ബ​സ്സി​ൽ​ ​ക​ണ്ട​ക്ട​റാ​യി​രു​ന്നു.​ ​പ​ണി​യി​ല്ലാ​താ​യ​തോ​ടെ​ ​വാ​യ്പ​യെ​ടു​ത്ത് ​ഓ​ട്ടോ​ ​വാ​ങ്ങി​യ​താ​ണ്.​ ​ഇ​തി​ന്റെ​ ​അ​ട​വ് ​തെ​റ്റി​യ​ത​ട​ക്ക​മു​ള്ള​ ​സാ​മ്പ​ത്തി​ക​പ്ര​ശ്ന​ങ്ങ​ൾ​ ​വ​ല്ലാ​തെ​ ​അ​ല​ട്ടി​യി​രു​ന്നു.​ ​ഒ​രു​ ​മാ​സം​ ​മു​മ്പ് ​ഡെ​ങ്കി​പ്പ​നി​ ​ബാ​ധി​ച്ച​തി​ന്റെ​ ​ആ​രോ​ഗ്യ​പ്ര​ശ്ന​ങ്ങ​ളു​മു​ണ്ടാ​യി​രു​ന്നു.​ ​ഭാ​ര്യ​:​ ​ഷി​ബി​ത.​ ​മ​ക്ക​ൾ​:​ ​കൃ​ഷ്ണ​പ്രി​യ,​ ​ഹ​രി​ഗോ​വി​ന്ദ്.​ ​മ​രു​മ​ക​ൻ​:​ ​വി​ജേ​ഷ്.
പോ​സ്റ്റു​മോ​ർ​ട്ട​ത്തി​ന് ​ശേ​ഷം​ ​സം​സ്കാ​രം​ ​വീ​ട്ടു​വ​ള​പ്പി​ൽ​ ​ന​ട​ന്നു.
മാ​ക്കൂ​ൽ​പീ​ടി​ക​യി​ലെ​ ​വാ​ട​ക​ ​ക്വാ​ർ​ട്ടേ​ഴ്‌​സി​ലാ​ണ് ​ന​ട​ക്കു​താ​ഴ​ ​ജാ​നു​വി​ന്റെ​ ​മ​ക​ൻ​ ​ഹ​രീ​ഷ് ​ബാ​ബു​ ​തൂ​ങ്ങി​ ​മ​രി​ച്ച​ത്.​ ​സാ​മ്പ​ത്തി​ക​ ​ബു​ദ്ധി​മു​ട്ട് ​കാ​ര​ണം​ ​കു​റ​ച്ചു​ ​നാ​ളാ​യി​ ​വ​ലി​യ​ ​മാ​ന​സി​ക​വി​ഷ​മ​ത്തി​ലാ​യി​രു​ന്നു.