നെയ്യാറ്റിൻകര: കൊവിഡ് നിയന്ത്രണങ്ങളുടെ സാഹചര്യത്തിൽ കേരളത്തിലെ പ്രധാന ബലിതർപ്പണ കേന്ദ്രമായ അരുവിപ്പുറം മഠത്തിൽ ഇത്തവണ കർക്കടക വാവിനോടനുബന്ധിച്ചുളള ബലിതർപ്പണ ചടങ്ങുകൾ ഉണ്ടായിരിക്കില്ലെന്ന് ശിവഗിരി ധർമ്മസംഘം ട്രസ്റ്റ് ജനറൽ സെക്രട്ടറി സ്വാമി സാന്ദ്രാനന്ദ അറിയിച്ചു.

എന്നാൽ വീടുകളിൽ ബലിതർപ്പണം നടത്തുന്നതിന് ശിവഗിരി മഠം തന്ത്രികളുടെ നേതൃത്വത്തിൽ ഔദ്യോഗിക ചാനലായ ശിവഗിരി ടി.വി യൂ ട്യൂബ് ചാനലിലൂടെ രാവിലെ 7 മുതൽ ചടങ്ങുകൾ തത്‌സമയം സംപ്രേഷണം ചെയ്യും.