Kerala Kaumudi Online
Monday, 20 May 2019 6.05 AM IST

'കോമാ' മുന്നണിയെ ജനം തൂത്തെറിയുമെന്ന് ശ്രീധരൻ പിള്ള

കോട്ടയം : പാർലമെന്റ് തിരഞ്ഞെടുപ്പിൽ കോൺഗ്രസും സി.പി.എമ്മും ചേർന്നുള്ള 'കോമാ' മുന്നണിയെ ജനം തൂത്തെറിയുമെന്ന് ബി.ജെ.പി സംസ്ഥാന പ്രസിഡന്റ് അഡ്വ. പി.എസ്. ശ്രീധരൻ പിള്ള പറഞ്ഞു. എൻ.ഡി.എ കോട്ടയം ലോക്‌സഭ സ്ഥാനാർഥി പി.സി. തോമസിന്റെ തിരഞ്ഞെടുപ്പ് കൺവെൻഷൻ ഉദ്ഘാടനം ചെയ്യുകയായിരുന്നു അദ്ദേഹം.

കോൺഗ്രസ്-ബി.ജെ.പി-ലീഗ് സഖ്യമെന്ന് കോടിയേരി ബാലകൃഷ്ണൻ പറയുന്നത് പരാജയ ഭീതിമൂലമാണ്. അഞ്ച് സീറ്റുകളിൽ ഈ സഖ്യമാണെന്ന് കോടിയേരി പറയുന്നത് എന്തടിസ്ഥാനത്തിലാണ്. എൻ.ഡി.എയുടെ സ്ഥാനാർത്ഥികളെ ഔദ്യോഗികമായി പ്രഖ്യാപിക്കാത്ത സാഹചര്യത്തിൽ കോടിയേരിക്ക് ഇത് എങ്ങനെ പറയാനാകും. തിരഞ്ഞെടുപ്പോടെ സി.പി.എമ്മും സി.പി.ഐയും ദേശീയ പാർട്ടിയല്ലാതായി മാറും. വാജ് പേയിയുടെ ദാക്ഷിണ്യത്തിലാണ് ഇരുകക്ഷികളും ദേശീയ രാഷ്ടീയ പാർട്ടി എന്ന പദവി കൊണ്ട് നടക്കുന്നത്. ഈ തെരഞ്ഞെടുപ്പോടെ അതും നഷ്ടമാകുമെന്നും മോദി വിരുദ്ധ ചേരി അനുദിനം ദുർബലമാവുകയാണെന്നും ശ്രീധരൻപിള്ള പറഞ്ഞു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, KOTTAYAM, PS SREEDHARAN PILLAI
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL