തിരുവനന്തപുരം :കഴക്കൂട്ടം സൈനിക സ്കൂളിലെ 2021 വർഷത്തെ 6, 9 ക്ലാസ്സുകളിലേക്കുള്ള പ്രവേശനത്തിനായി വിജയിച്ചവരുടെ അന്തിമ റാങ്ക് ലിസ്റ്റ് പ്രസിദ്ധപ്പെടുത്തി.
റാങ്ക് ലിസ്റ്റും വിശദവിവരങ്ങളും www.sainikschooltvm.nic.in എന്ന വെബ്സൈറ്റിൽ ലഭ്യമാണ് മെഡിക്കൽ ബോർഡിൽ വിജയിച്ച, റാങ്ക് ലിസ്റ്റിൽ ഉള്ള വിദ്യാർത്ഥികളെ, പ്രവേശന നടപടികൾക്കായി അവരുടെ രജിസ്റ്റേർഡ് ഇ-മെയിൽ വഴി അറിയിപ്പ് നൽകും. തിരഞ്ഞെടുക്കപ്പെട്ട വിദ്യാർത്ഥികൾക്ക്, ആഗസ്റ്റ് 21-ന് മുൻപ് അറിയിപ്പ് ലഭിക്കാത്ത പക്ഷം സൈനിക സ്കൂളുമായി ബന്ധപ്പെടേണ്ടതാണ്.
എം.സി.എ: അക്കാഡമിക് വിവരങ്ങൾ പ്രസിദ്ധീകരിച്ചു
തിരുവനന്തപുരം: മാസ്റ്റർ ഒഫ് കമ്പ്യൂട്ടർ ആപ്ലിക്കേഷൻസ്(എം.സി.എ) പ്രവേശനത്തിന് അപേക്ഷിച്ചവരുടെ പ്രാഥമിക പരിശോധനയ്ക്കുശേഷമുള്ള സ്വീകാര്യമായ വ്യക്തിഗത അക്കാഡമിക് വിവരങ്ങൾ www.lbscentre.kerala.gov.in വെബ്സൈറ്റിൽ പ്രസിദ്ധീകരിച്ചു. അപേക്ഷകർ വെബ്സൈറ്റിൽ ലോഗിൻ ചെയ്ത് ഇവ പരിശോധിക്കണം. ആവശ്യപ്പെട്ട രേഖകൾ ആഗസ്റ്റ് 12 അഞ്ച് മണിക്കകം സമർപ്പിക്കണം. പുതിയ ക്ലെയിമുകൾ നൽകാനാവില്ല. ആവശ്യപ്പെട്ടിട്ടുള്ള രേഖകൾ അപ്ലോഡ് ചെയ്യാത്തവരുടെ ക്ലെയിം/ അപേക്ഷ നിരസിക്കും. ഫോൺ- 04712560363, 364.
ക്വാറന്റൈനിൽ കഴിഞ്ഞവർക്ക്പുനഃപരീക്ഷയ്ക്ക് അനുമതിയില്ല
തിരുവനന്തപുരം: ക്വാറന്റൈനിലായിരുന്നതു കാരണം ക്രെഡിറ്റ് ആൻഡ് സെമസ്റ്റർ (സി.എസ്.എസ്) മൂന്ന്, നാല് സെമസ്റ്റർ പരീക്ഷ എഴുതാൻ കഴിയാതിരുന്ന വിദ്യാർത്ഥികൾക്ക് പുനഃപരീക്ഷയ്ക്ക് അനുമതി നൽകാതെ കേരള സർവകലാശാല. കൊവിഡ് ബാധിതരായവർക്ക് മാത്രമാണ് പുനഃപരീക്ഷയെഴുതാൻ അനുമതിയുള്ളത്. കൊവിഡ് കാരണം പരീക്ഷയെഴുതാൻ കഴിയാതിരുന്ന എല്ലാ വിദ്യാർത്ഥികൾക്കും വീണ്ടും അവസരം നൽകുമെന്നാണ് സർവകലാശാല അറിയിച്ചിരുന്നതെന്നും ക്വാറന്റൈനിലായിരുന്നവർക്ക് പുനഃപരീക്ഷയ്ക്ക് അവസരം നൽകണമെന്നും സേവ് എഡ്യൂക്കേഷൻ ഫോറം ആവശ്യപ്പെട്ടു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |