കൊച്ചി​ : കൊവിഡ് മഹാമാരിയെ തുടർന്ന് അടച്ചിട്ട ജില്ലയിലെ ടൂറിസം കേന്ദ്രങ്ങൾ സഞ്ചാരികൾക്കായി തുറന്നു. മുനമ്പം, ചെറായി ബീച്ചുകളാണ് ആദ്യം തുറന്നത്.ഭൂതത്താൻകെട്ട് ഇന്നും ഏഴാറ്റുമുഖം പ്രകൃതി ഗ്രാമം 14 നും തുറക്കും. ഫോർട്ട് കൊച്ചി, മട്ടാഞ്ചേരി ടൂറിസം കേന്ദ്രങ്ങളും ഉടൻ തുറക്കും. എല്ലായി​ടത്തും ശുചീകരണ പ്രവർത്തനങ്ങൾ കുടുംബശ്രീ മുഖേന നടത്തുന്നുണ്ട്. സന്ദർശകർ വാക്‌സിനേഷനെങ്കിലും എടുത്ത സർട്ടിഫിക്കറ്റ് കൈയിൽ കരുതണം. ഇല്ലാത്തവർക്ക് 72 മണിക്കൂറിന് മുൻപ് എടുത്ത ആർ.ടി.പി.സി.ആർ. സർട്ടിഫിക്കറ്റ് നിർബന്ധമായും വേണം. കുട്ടികൾക്കും ഇത് ബാധകമാണ്.കൊവി​ഡ് മാനദണ്ഡങ്ങൾ പൂർണമായും പാലിച്ചായിരിക്കും പ്രവർത്തനം. മ്യൂസിയങ്ങൾ, ഹാളുകൾ, റെസ്റ്റാറന്റുകൾ തുടങ്ങിയ അടച്ചിട്ട കെട്ടിടങ്ങളിലെ പ്രവേശനം ഒഴിവാക്കുമെന്ന് ജില്ലാ ടൂറിസം പ്രൊമോഷൻ കൗൺസിൽ സെക്രട്ടറി വിജയകുമാർ പറഞ്ഞു.